[A:398]གྱི་ཡོན་ཏན་ལ་བརྫུན་ཞེས་འཕགས་པ་ལ་སྐུར་པ་འདེབས་པ་དག་མཐོང་བའི་ཕྱི་རོ༎
ཟླ་བ་ཆ་ཤས་ཀྱིས་གང་ཞིང༎
ཁྱོད་སྐུ་ཀུན་རྫོབ་བྱང་སེམས་གྱིས༎
ཆོས་ཀུན་སྟོང་པའི་རང་བཞིན་ཏེ༎
ཁྱོད་ཀྱི་ཐུགས་ཀྱི་རྡོ་རྗེའོ༎
འདིའི་དོན་ནི་གསལ་བར་མ་སྨྲས་སོ༎
དེ་ལྟར་སྦྱོར་བ་ཡན་ལག་དྲུག་གི་རྣལ་འབྱོར་མཐར་ཕྱིན་པ་མཛད་པ་ཡིན་ཏེ།
ལོ་གསུམ་ཕྱོགས་གསུམ་དང་བཅས་པར༎
ཡན་ལག་དྲུག་གི་རྣལ་འབྱོར་ཙམ༎
གོམས་པས་གྲོལ་བར་འགྱུར་གསུངས་ནས༎
བཅུབཅྭ་བརྒྱད་ལོ་ཡིས་སྨོས་ཅི་དགོས༎
ཞེས་བྱའོ༎
དེ་ཁོ་ནར་མ་ཟད། རྣལ་འབྱོར་དེ་ཉིད་ལས་གཡེལ་བ་མེད་པར། རྗེ་ས་སྐྱ་པ་རྣམས་ཀྱི་ཕྱག་བཞེས་ཇི་ལྟ་བ་བཞིན་ལམ་གྱི་ཐུན་བཞིར། དབང་བཞིས་ལུས་སོ་སོར་བརྟགས་པའི་འགོག་པ་ལ་གནད་དུ་བསྣུན་པ་དང། འབྲིང་པོ་དམ་ཚིག་གི་ཆོས་སྐོར་དང། ལམ་ཟབ་མོ་བླ་མའི་རྣལ་འབྱོར་སོགས་ཆ་ལག་དང་བཅས་པ་ལ་ཐུན་བཞིའི་རྣལ་འབྱོར་གྱིས་བརྩོན་པར་མཛད་ཅིང། དེ་ཉིད་ཀྱི་སྒོ་ནས་གདུལ་བྱ་དཔག་ཏུ་མེད་པ་བཀྲི་བར་མཛད་པ་ཡིན་ནོ༎
དེ་ཡང་འདི་ལྟར།
དྲི་མེད་དབང་དང་རྣམ་དག་རྒྱུད༎
ལུས་རྫོགས་གདམས་ངག་དང་བཅས་པས༎
སྐལ་བར་ལྡན་པ་འབུམ་ཕྲག་ཙམ༎
སྨིན་ཅིང་སྒྲོལ་བར་མཛད་པའོ༎
ཞེས་སྨྲས་ཏེ། གདན་ས་འདིར་མེ་ཕོ་བྱི་བའི་ལོ་ཡན་དུ་ལྔ་བཅུ་རྩ་གཅིག་ཐལ་ཏེ་དེ་ཡང་ལོ་རེ་ལ་སྦྱོར་བ་ཡན་ལག་དྲུག་པ་ཐ་ནའང། ཚར་ལྔ་རེ་ཙམ་གྱིས་སྐལ་བ་དང་ལྡན་པའི་གདུལ་བྱ་སྟོང་ཕྲག་དྲུག་ཙམ་སྨིན་ཅིང་གྲོལ་བར་མཛད་དེ། གདུལ་བྱ་དབང་པོ་ཐ་མ་པ་ལ་ཡང་སྔོན་འགྲོའི་རྣལ་འབྱོར་གྱིས་རྒྱུད་སྦྱངས༎ མཆོག་དབང་གོང་མ་གསུམ་གྱིས་སྨིན་པར་བྱས། སོར་སྡུད་ཀྱིས་སྟོང་གཟུགས་ཕྱག་རྒྱ་ཆེན་མོ་མངོན་སུམ་དུ་མཐོང་ཞིང། བསམ་གཏན་གྱིས་དེ་ཉིད་ལ་མཉམ་པར་མི་འཇོག་པ་ནི་མེད་པའི་ཕྱིར་རོ༎
ལམ་འབྲས་བུ་དང་བཅས་པའི་གདམས་ངག་མན་ངག་གཞུང་བཤད་ཆ་ལག་དང་བཅས་པ་ཚར་བརྒྱ་ཙམ་གྱི་སྒོ་ནས་སྐལ་ལྡན་སྟོང་ཕྲག་གཉིས་ཙམ་སྨིན་