[A:404]བླ་མ་དམ་པ་རྣམས་ལ་གུས་པས་ཕྱག་འཚལ་ལོ༎
བདེ་ཆེན་ཡེ་ཤེས་ཉི་མ་ཆེར་འབར་བ༎
རྫོགས་སངས་རྒྱས་བློའི་མཁའ་ལས་མི་འདའ་ཡང༎
དབང་པོའི་རིམ་བཞིན་རང་དང་འཚམས་པའི་སྐུར༎
སྟོན་མཛད་བླ་མ་རྣམས་ལ་ཕྱག་འཚལ་ལོ༎
གང་འདིར། བདེ་བ་དང་སྟོང་པ་ཟུང་དུ་འཇུག་པའི་ཡེ་ཤེས་ཀྱི་སྤྲུལ་པའི་སྐུ་རྡོ་རྗེ་བདག་མེད་མ་ལྷ་མོ་བཅོ་ལྔའི་འདཀྱིལ་འཁོར་དུ་དངོས་སུ་དབང་བསྐུར་ཞིང་བྱིན་གྱིས་བརླབས་པའི་སློབ་དཔོན་མཐུ་སྟོབས་ཀྱི་དབང་ཕྱུག་བིར་ཝ་པ། ཞེས་མཚན་ཉི་མ་ལྟར་གྲགས་པ་དེའི་ཐུགས་ཀྱི་ཉིང་ཁུ། ལམ་འབྲས་བུ་དང་བཅས་པའི་མན་ངག་ཅེས་མཚན་དུ་གསོལ་བ་དེ་ནི། སྙན་བརྒྱུད་བཞི་དང། ཚད་མ་བཞིའི་སྒོ་ནས་བླ་མས་བཤད་ཅིང་གཏན་ལ་ཕབ་པ་དེ། སྐལ་བ་དང་ལྡན་པའི་སློབ་མ་ལམ་རིམ་གྱིས་པ་དང། ཅིག་ཆར་བ་གང་ཡང་རུང་བས་ཉམས་སུ་བླང་བར་བྱ་བ་ཡིན་གྱི། བཞི་ཚན་གཉིས་པོ་གང་ཡང་རུང་བ་ལ་མ་ལྟོས་པར། བླ་མས་བཤད་པ་དང། སློབབློབ་མས་ཉམས་སུ་