[A:426]ལ་མི་གཡེལ་ཞིང། ལུས་སོ་སོར་བརྟགས་པའི་འགོག་པ་ཉམས་སུ་བླངས་པས་བཅུ་གསུམ་རྡོ་རྗེ་འཛིན་པའི་ས་མངོན་དུ་བྱེད་པ་འཆུགས་མེད་སྟོན་པ་དང། བརྩོན་འགྲུས་ཐ་ཤལ་དུ་གྱུར་པས་ཀྱང། ལམ་ཟབ་མོ་བླ་མའི་རྣལ་འབྱོར་གྱི་སྒོ་ནས་ཚེ་གཅིག་པོ་ལ་གྲུབ་མཐའ་བསྙོགས་པའི་མན་ངག་ཐུན་མོང་མ་ཡིན་པ་སྟོན་པས་སོ༎
དེ་ཐམས་ཅད་ཀྱི་རྩ་བ་ཡང་མདོ་སྔགས་ཐམས་ཅད་ཀྱི་བླ་མ་ཚད་མར་གྱུར་པ་ལ་རག་ལས་པ་ཡིན་ཏེ། དེ་མེད་ན་ལྟ་སྤྱོད་རིམ་ཅན་གྱི་ཚུལ་ལ་སློབ་པ་དང། དམ་ཚིག་དང་བསྡོམ་པའི་ཚོགས་རྣམས་གང་ལས་བྱུང་བ་དང། ལམ་ཟབ་མོ་བླ་མའི་རྣལ་འབྱོར་གྱི་ཉམས་ལེན་དག་མི་འབྱུང་བའི་ཕྱིར་རོ༎
བླ་མ་དེ་ཡང་གདམས་ངག་གི་གོ་རིམ་མ་ལོག་པ་དང། བྱིན་རླབས་ཀྱི་བརྒྱུད་པ་མ་ཉམས་པ་ཞེས་བྱ་བ། བླ་མ་གོང་མ་དག་གིས་ཇི་ལྟར་ཁྲིད་པ་བཞིན་དུ། ལམ་གྱི་རིམ་པ་དེ་དག་ལ་གོ་བ་ཆགས་ཤིང། ཉམས་མྱོང་རྒྱུད་ལ་སྐྱེས་པ་ཞིག་དགོས་པའི་དོན་ཡིན་གྱི། ལུང་རྒྱུན་མ་ཆད་པ་ཙམ་གྱིས་ཆོག་པ་མ་ཡིན་པར་ཤེས་པའི་དོན་དུ་ཐོག་མར་བླ་མ་དམ་པའི་རྣམ་ཐར་བསྟན་ནས། མོས་གུས་ཀྱི་ངེས་ཤེས་བསྐྱེད་དུ་འཇུག་པ་ནི་ཕྱག་ལེན་གྱི་རིམ་པའོ༎
དེ་ལས་ཀྱང་འདིར་ནི་རྗེ་བླ་མ་དམ་པ་ཨཱནནྡའི་མཚན་ཅན་ཡབ་སྲས་གཉིས་ཀ་ལས་གསུང་ངག་རིན་པོ་ཆེའི་གདམས་པ་རབ་ཏུ་ཐོབ་ནས། སྒྲུབ་བརྒྱུད་མ་ཉམས་པར་མཛད་པའི་དགོངས་པ་རྣམ་པར་དཀར་ཞིང། བརྩོན་འགྲུས་ཆེན་པོས་ཕྱག་བཞེས་སུ་མཛད་པའི་རྒྱལ་སྲས་གླང་རི་ཐང་པ་བློ་གྲོས་རྒྱལ་མཚན་དཔལ་བཟང་པོའི་རྣམ་པར་ཐར་པ་མདོ་ཙམ་ཞིག་བརྗོད་པར་བྱ་བ་ལ་གསུམ་སྟེ།
1
ཐོག་མར་མངོན་མཐོའི་གོང་འཕངས་བརྙེས་ནས་མདོ་སྔགས་ཀྱི་ཆོས་ལ་བསླབ་སྦྱངས་ཇི་ལྟར་མཛད་པ། 2
མཛད་ནས་མདོ་ཕྱོགས་ལ་ཉན་བཤད་དང་གདམས་ངག་གི་བསྒྲུབ་པ་ཇི་ལྟར་ཉམས་སུ་བཞེས་པ། 3