[A:693]གཉིས་ལ་བརྟེན་ནས་ལྷན་ཅིག་སྐྱེས་གྲུབ་མཛད། དེ་ཉམས་སུ་ལེན་པ་ལ་ལྷན་ཅིག་སྐྱེས་པ་གསུམ་གྱི་ལམ་ཉམས་ལེན་དབུ་ན། དེ་ལ་ཌོམྦི་ཧེ་རུ་ཀས། ཞེས་དང༌། ཞག་གསུམ་དེ་གཉིས་ཀྱི་བར་ནས་གང་ཙམ་ལ་སྒོམ། གཞན་ཡང་ཤེས་པར་བྱའོའི་མཐའ་ཅན་གྱི་བརྒྱུད་པ་ནི། ཀུན་མཁྱེན་རྡོ་རྗེ་འཆང་ཆེན། ཡེ་ཤེས་ཀྱི་མཁའ་འགྲོ་མ། གྲུབ་ཆེན་ཌོམྦི་ཧེ་རུ་ཀཨ་ལ་ལ་བཛྲ། སློབ་དཔོན་ནགས་ཁྲོད་པ།
་་་་་བཱ་ར་སི་པ་ཞེས་པའང་བྱུང་ངོ༌། །
གྲུབ་ཆེན་གརྦྷ་རི་པ།བསོད་སྙོམས་པར་བསྒྱུར།་་་་་
པིནྡ་པ། སློབ་དཔོན་་་་་་མི་ཐུབ་ཟླ་བར་བསྒྱུར།
དུརྒ་ཙནྡྲ། དགེ་སློང་པྲཛྙཱ་ཨིནྡྲ་རུ་ཙིཿ་་་་་རྡོ་རྗེ་གདན་པའི་དེར་བཱི་ར་བཛྲ་དང་ཐར་རྩེ་པའི་དེར་དཔའ་བོ་རྡོ་རྗེ་ཞེས་འདུག་པ་དཔྱད།
འབྲོག་མི་ལོ་ཙཱ་བ་་་་་་རྡོ་རྗེ་གདན་པའི་དེར་བོད་དུ་ཡང་ཤེས་རབ་གསང་བར་གསན་ཟེར་བ་འདུག
མན་སྔར་དང་འདྲའོ། །སྨྲས་པ། གང་ཞིག་ཐོས་པས་ལས་བཟང་སྡོང་པོ་བསྐྱེད། །ཐོས་དོན་དཔྱད་པས་ཤེས་བྱའི་ལོ་འདབ་རྒྱས། །དཔྱད་དོན་བསྒོམས་པས་བླ་མེད་བྱང་ཆུབ་ཀྱི། །སྙེ་མ་གཡུར་ཟ་རྒྱལ་ཀུན་བགྲོད་གཅིག་ལམ། །བདག་མེད་མཁའ་འགྲོའི་ཞལ་ལུང་རྒྱ་བོད་ཀྱི། །མཁས་གྲུབ་དབང་པོ་དུ་མའི་གཤེགས་ཤུལ་འདི། །ལན་རེ་ཐོས་པའི་བློ་ལྡན་དེ་ནས་བཟུང༌། །ཕྱོགས་རེའི་གདམས་པ་བསྲེལ་ལ་གུས་པ་ལྷོད། །སྙན་བརྒྱུད་ཚད་མའི་འདབ་སྟོང་དགའ་ཚལ་ལས། །མ་ཉམས་བརྒྱུད་པའི་དབང་བསྐུར་བྱིན་རླབས་ཁྲིད། །ཡིད་ཆེས་རྒྱབ་བརྟེན་ལུང་གི་སྦྲང་རྩིའི་རྒྱུན། །བློ་ཡི་བུང་བས་གཞིབས་པ་དེ་ཙམ་མོ། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། གསེར་ཆོས་གསུང་ངག་རིན་པོ་ཆེའི་ཆོས་སྐོར་