[A:576]པར་ཐེ་མི་ཚོམ། །ཚེ་སྔོན་ལེགས་བྱས་ས་བོན་དགེ་བཏབ་མཐུས། །རྒྱལ་བསྟན་སྨན་གྱི་དགའ་ཚལ་ཡངས་པོ་ལ། །ཉེར་སྐྱེས་ཐོས་བསམ་སྒོམ་པའི་བཅུད་བཟང་གི། བསྟན་འགྲོར་སྨན་པའི་སྙེ་མ་ཁུར་དུ་དུད། །དབྱར་དུས་ཆུ་འཛིན་གཞོན་ནུ་འཁྲིགས་ཁྲོད་ནས། །འབྲུག་སྒྲ་དལ་བུར་ལྡིར་ཚེ་མདོངས་མཐའ་ཅན། །དགའ་བའི་རྣམ་འགྱུར་བསྟན་པ་འོས་ཡིན་མོད། །ཕལ་པའི་ཅ་ཅོའི་སྒྲ་ལ་དེ་ལྟ་མིན། །ད་ཕྱིར་རང་ཞེ་རང་ལ་མི་ཁྲེལ་བའི། །ཀུན་མཁྱེན་རྒྱལ་བའི་བསྟན་ལ་སྨན་རེ་དང༌། །གཞན་རྒྱུད་ཐར་པའི་ས་བོན་གདབ་པའི་ཆེད། །སྨིན་གྲོལ་ཆོས་ཀྱི་སྐལ་བཟང་བརྩོན་པའི་དགེའི། །འགྲོ་བའི་བླ་མ་ཤཱཀྱ་སེངྒེ་ཡི། །ལུང་རྟོགས་སྤྱི་དང་བྱེ་བྲག་ས་སྐྱ་པ། །ཀུན་དགའ་རྣམ་གཉིས་ལུང་མཆོག་སྲིད་པའི་ཁོངས། །བསྐལ་པའི་བར་དུ་བཤད་སྒྲུབ་གང་འཕེལ་ཤོག། ཐར་པ་དམ་པའི་དོན་ལྡན་རྒྱལ་གསུང་དང༌། །ཉེར་འབྲེལ་རྣམ་པ་ཐམས་ཅད་མཁྱེན་པའི་ལམ། །སྟོན་མཛད་ཡོངས་འཛིན་འཕགས་དང་སོ་སྐྱེའི་ཚུལ། །ཞི་དབྱིངས་མནལ་རྣམས་ཐུགས་དགོངས་རྫོགས་འགྱུར་ཅིག། རྒྱལ་གསུངས་སྡེ་སྣོད་གསུམ་དང་རྒྱུད་སྡེ་བཞིའི། །བཞེད་གཞུང་མ་ནོར་སོ་སོར་འཆད་བྱེད་པའི། །མཁས་དང་གྲུབ་པར་གང་དག་འཚོ་གཞེས་རྣམས། །སྐུ་ཚེ་བསྐལ་པའི་བར་དུ་བརྟན་གྱུར་ཅིག། ཕུལ་བྱུང་སྡེ་བཞིའི་རྩ་བ་བརྟན་པོ་ལས། །ཁྲིམས་གཉིས་དགེ་བཅུའི་ལོ་འདབ་ཆེར་རྒྱས་ཤིང༌། །ཕུན་ཚོགས་ཕན་བདེའི་འབྲས་བཟང་གཡུར་ཟ་བའི། །རྒྱལ་རྒྱུད་ས་ལའི་རྐང་འཐུང་རྟག་བརླན་ཤོག། ཡངས་པའི་སར་འཁོད་མཆོག་དམན་འགྲོ་བ་ཀུན། །ན་འཆི་རྒུད་པའི་གདུང་བ་ཀུན་བྲལ་ཏེ། །རིང་པོར་འཚོ་བའི་ཚེ་