[A:256]dbang / mtha' bzhi grub thob rin po che smon lam pa/ rin po che lam pa/ lha ye shes 'od/ slob dpon legs pa shes rab/ zhang byang chub rin chen/ bla ma byang chub gzhon nu/ mkhan chen byams pa rin chen/ mkhas btsun byang chub seng ge sa bzang 'phags pa gzhon nu blo gros/ ngor chen rdo rje 'chang kun dga' bzang po/ paNDi ta grags pa rgyal mtshan/ mkhan chen bsod nams lhun grub legs pa'i 'byung gnas/ ngor chen lha mchog seng ge rje sangs rgyas seng ge thar rtse paN chen nam mkha' dpal bzang / de nas dpal ldan don grub yin nam/ de nas bla ma gnyis gsum tsam ma rnyed pas slar btsal/ khang gsar pa bsod nams rgyal mtshan/ mkhan chen thams cad mkhyen pa tshul khrims lhun grub/ des bdag tshul khrims rin chen la stsal to/ /yang na lha mchog seng ge rje shar khang pa shes rab rgyal mtshan/ thar rtse pa man 'dra'o/ /thar rtse paN chen gyis mdzad pa'i yi ge'i lung yang thob/ /!/ /jo bo chen po dpal ldan a ti sha 'phan yul lan pa'i spyil bur bzhugs pa'i tshe bran kha dpal yon gyis tho btsams pa na padma'i rigs kyi khro bor gtogs pa rta mgrin shwa na bzhis bskor gyi sgo nas btul ba sogs byin rlabs kyi tshan kha shin tu che bar grags pa'i rjes su gnang ba gzhan ma'i rgyas bkab ma yin pa'i yig rnying gi dgongs pa 'khrul med rgyal dbang lnga pas mdzad pa'i yid ches sum ldan gyi steng nas rdul tshon gyi maNDal dang / me tog gdong g.yogs dbu rgyan sogs 'di kha'i lugs ltar phyag len shin tu gtsang bar thob pa'i brgyud pa ni/ dpal rta