[A:371]nas/ mus chen sems dpa' chen po/ kun mkhyen bsod nams seng ge dkon mchog 'phel man 'dra/ yang na ngor chen nas/ mkhas grub dpal ldan rdo rje/ dkon mchog 'phel man 'dra/ bod gzhung tho yig mun sel sgron me'i brgyud pa ni/ 'jam dbyangs dkon mchog lhun grub nas/ paN chen nam mkha' dpal bzang man 'dra/ tho yig mun sel sgron mer rjes gnang bdun cu don dgu yod gsung yang don du don brgyad las ma byung zhing thams cad mkhyen pa mkhyen brtse'i dbang phyug gi gsan yig tu yang don brgyad las mi 'dug pas sgo mthun/ yang he ru ka'i sgrub thabs zhig yod med the tshom gyi gzhir byung bas de'i rjes gnang yod na don dgu 'grig rung de'i rgyun yod med som nyir snang bas slar yang dpyad do/ /!/ /'phags pa'i yul gyi ma hA paNDi ta kun gyi gtsug tor lta bu gangs ri'i ljongs 'dir thub pa'i bstan pa rin po che gsal bar byed pa snang ba mtha' yas kyi ye shes sgyu 'phrul rol pa chen po dpal jo bo chen po a ti sha nas nye bar brgyud pa'i yi dam gyi lha'i mngon par rtogs pa dang rjes su gnang ba man ngag thor bu rnams dpal snar thang gi mkhan chen mchims nam mkha' grags kyis phyogs gcig tu bsgrigs par brten snar thang brgya rtsar grags pa'i chos skor nos pa'i rjes gnang gang yod mchan bus bkrol te bkod pa la/ bcom ldan 'das thub pa'i dbang po gtso rkyang gi mngon rtogs/
1 rjes gnang yod/
rten 'brel gyi gzungs chung 2 lung las rjes gnang med/
mnyam pa med pa'i bla ma dge ba'i bshes gnyen rin chen sgang