[A:49]dgra rnams ma lus 'chos pa dang / /ngan 'gro'i srid las skyob pa gang yin pa/ /'chos skyob yon tan phyir na bstan bcos te/ /gnyis po 'di dag gzhan gyi lugs la med/ /ces so/ /gsum pa la gsum las/ dang po byed las kyi sgo nas ni/ bka' don rgya chen po rnams sdud pa dang / tshig don brling zhing zab mo rnams rnam par 'byed pa dang / 'khrugs pa'i tshul du bzhugs pa rnams go rim du bsdebs pa'i bstan bcos te gsum du 'byed do/ /de'i dang po ni mdo sde rgyan dang mdo rtsa ba lta bu'o/ /gnyis pa ni mngon par rtogs pa'i rgyan lta bu'o/ /gsum pa ni bslab pa kun las btus pa dang skyes pa'i rabs lta bu'o/ /gnyis pa bshad bya bka'i sgo nas ni/ bka' spyi dang so so'i dgongs 'grel gnyis su 'byed do/ /dang po bka' spyi'i dgongs 'grel ni/ rig pa'i gnas lnga'i bstan bcos te/ log rtog tshar gcod pa sgra dang tshad ma'i bstan bcos gnyis las/ dang po ni/ rjod byed gtan la 'bebs par byed pa sgra'i bstan bcos ni/ rang bzhin rkyen dang rnam 'gyur gsum brjod byar byas nas ston pa'i gzhung ka lA pa dang tsandra pa la sogs pa dang / de'i yan lag lci yang dang prastA ra 'god tshul ston pa sdeb sbyor gyi bstan bcos rin chen 'byung gnas lta bu dang / ming gi rnam grangs dang / rtags gsum gyi dbye ba dang / sgra gcig don mang po la 'jug tshul ston pa mngon brjod kyi bstan bcos 'chi med mdzod lta bu dang / shar lho'i lam gyi 'dod tshul dang / rgyan gsum gtan la phab nas ston pa snyan ngag gi bstan