[A:82]mchog ci sems thams cad mkhyen pa thob mi 'gyur/ /de bas gzhan dag tshar gcad pa dang rjes gzung phyir/ /bdag nyid kun shes bya phyir de la de brtson byed/ /ces gsungs pa'i go rim dang mthun par mkhas pa 'jug pa'i sgo las kyang / de yul brda sprod rtog ge dang / /gso ba phyi nang rig ces gsungs/ /gzhan la gzhan dag rnam bshad pa/ /'di yi nang du 'dus shes bya/ /zhes gsungs pa ltar/ log rtog tshar gcod pa brda sprod rig pa sgra dang / rtog ge rig pa tshad ma dang / gzhan rjes su 'dzin pa gso ba rig pa tshe'i rig byed dang / phyi rol rig pa bzo'i rig byed dang / bdag nyid kun shes par byed pa nang rig pa sde snod dang rgyud sder gtogs pa rnams rim par gsungs pa'i go rim dang mthun par 'chad pa la/ dang po tshig gi log rtogs tshar gcod par byed pa sgra rig pa thos pa'i brgyud rim la dngos dang / zhar byung gnyis/ dang po la sgra mkhan dbang phyug go chas gzhon nu kartI ka bsgrubs pas zhag bdun na gzhon nu gdong drug lag na mdung thung thogs pa byung nas gsungs pa'i legs sbyar gyi bstan bcos/ byA ka ra Na'i 'grel pa 'jig rten gyi mig gcig pu thams cad mkhyen pa zhwa lu lo tsA ba rin chen chos skyong bzang pos mdzad pa'i bshad sbyar gzhung don rab gsal dang / de'i 'grel pa karma pa mi bskyod rdo rje'i zhabs kyis mdzad pa'i kar TIka gi steng nas ri mo'i lag khrid gzhung 'bebs legs par nos pa'i brgyud pa ni/ 'jig rten gyi mes po
sgra'i byung tshul rnams las sum cu rtsa gsum du sgra mkhan sarba dznyA zhes pa byung ba des lha'i dbang po brgya byin la sgra bslabs