[A:94]pa nas/ mgon po bsod nams mchog ldan/ rin chen rgya mtsho man gong bzhin no/ /!/ /dpal dus kyi 'khor lo phyi nang gzhan gsum gyi sgo nas gtan la 'bebs pa'i phyi rol shes pa'i yan lag rtsis skor rnams dus 'khor gyi cha lag tu bgrangs kyang mi 'thad pa ma yin mod/ rig gnas che ba lngar bsdu ba'i tshe sgra rig pa'i 'khor du 'byung zhing / rig gnas chung ba lngar dbye ba'i tshe skar rtsis rig gnas chung ba'i ya gyal gcig tu mdzad pa khungs dang 'brel ba nas/ padma dkar po'i zhal lung gi dgongs don gtso bor bzung / phug pa man ngag lugs kyi phyag len gyis rnam par spras pa'i bstan bcos bai DUr dkar po'i steng nas lnga bsdus/ sgra gcan lo 'pho zla 'pho/ gza' 'dzin/ gza' lnga tshes dang nyin zhag la spyod pa/ de dag gi myur rtsis kyi rigs mi 'dra ba rnams nyi ldog 'khor lo/ dus sbyor tatkAl dang dum bu drug pa/ zhag gsum gyi rnam par dbye ba/ g.yul las rnam par rgyal ba las btus pa thor bu rnams dang bcas pa rnams lag khrid du nos pa'i brgyud pa ni/ thams cad mkhyen pa chos kyi grags pa/ de las mkhas grub nor bzang rgya mtsho dang phug pa lhun grub rgya mtsho gnyis kyis gsan/ gnyis ka las mkhas pa chos legs rin chen/ de nas phug nas chos rje dpal mgon phrin las pa nas rim par/
'di nas brgyud pa 'ga' zhig btsal dgos/
ser theg chen gling gi chu mig spyi khang pa'i rab 'byams pa bkra shis rgyal mtshan/ des bdag bande tshul khrims rin chen la bka' drin du stsal to/ /yang na yan chad btsal/ bka' blon mkhas pa kun dga'