[A:3]btsun nA ro ta pa la/ rgya gar 'phags pa'i yul du gnyis skyes mchog gnyis kyis mtshon pa'i slob ma'i gtso bo paNDi ta bcu gnyis la sogs pa rnams la ming tsam yang ma gsungs par bal po pham mthing pa 'jigs med grags pa dang ngag dbang grags pa mched kho nar gnang ba'i rje btsun nA ro mkha' spyod mar grags pa'i gdams pa zab mo/ gang zag rab bde dgyes gang rung gi smin byed sngon du song nas sindhU ra'i byin rlabs nos/ bzlas sgom chag med dang gzhi bsnyen mthar phyin pa tsam gyis lam gzhan la ma ltos par tshegs chung ngus rdo rje rnal 'byor ma mi mo'i gzugs kyis sgrub pa po'i lag pa'i 'khrig ma nas bzung ste lus ma spangs par mkha' spyod du 'khrid pa/ 'bring langga li ya'i shing la brten nas sindhU ra'i sgrub pa la brten nas tshul bzhin du legs par brtags pas bud med phal pa'i khrod nas rdo rje rnal 'byor ma ngos zin te des tshe 'dir dngos su mkha' spyod du 'khrid/ tha ma'ang 'chi ba 'od gsal chos sku las bar dor longs pa'i dus rdo rje rnal 'byor ma dpa' bo mkha' 'gro'i tshogs dang lhan cig pas mkha' spyod du 'khrid par nges pa'i zab pa las kyang ches zab pa/ snyan brgyud tshad ma bzhi dang ldan pa'i skor la/ tshogs slob gnyis su grags pa'i nang nas ches cher zab pa gsang chen slob bshad pa'i lugs bzhin nos pa la/ sindhU ra'i dkyil 'khor du sgrub cing mchod pa dang bdag nyid 'jug cing dbang blang ba'i cho ga tshar chen rdo rje 'chang blo gsal rgya mtshos mdzad pa'i mkha' spyod sgrub pa'i nye lam gyi yi ge ltar gyi byin rlabs