[A:576]par the mi tshom/ /tshe sngon legs byas sa bon dge btab mthus/ /rgyal bstan sman gyi dga' tshal yangs po la/ /nyer skyes thos bsam sgom pa'i bcud bzang gi/ bstan 'gror sman pa'i snye ma khur du dud/ /dbyar dus chu 'dzin gzhon nu 'khrigs khrod nas/ /'brug sgra dal bur ldir tshe mdongs mtha' can/ /dga' ba'i rnam 'gyur bstan pa 'os yin mod/ /phal pa'i ca co'i sgra la de lta min/ /da phyir rang zhe rang la mi khrel ba'i/ /kun mkhyen rgyal ba'i bstan la sman re dang / /gzhan rgyud thar pa'i sa bon gdab pa'i ched/ /smin grol chos kyi skal bzang brtson pa'i dge'i/ /'gro ba'i bla ma shAkya sengge yi/ /lung rtogs spyi dang bye brag sa skya pa/ /kun dga' rnam gnyis lung mchog srid pa'i khongs/ /bskal pa'i bar du bshad sgrub gang 'phel shog/ thar pa dam pa'i don ldan rgyal gsung dang / /nyer 'brel rnam pa thams cad mkhyen pa'i lam/ /ston mdzad yongs 'dzin 'phags dang so skye'i tshul/ /zhi dbyings mnal rnams thugs dgongs rdzogs 'gyur cig/ rgyal gsungs sde snod gsum dang rgyud sde bzhi'i/ /bzhed gzhung ma nor so sor 'chad byed pa'i/ /mkhas dang grub par gang dag 'tsho gzhes rnams/ /sku tshe bskal pa'i bar du brtan gyur cig/ phul byung sde bzhi'i rtsa ba brtan po las/ /khrims gnyis dge bcu'i lo 'dab cher rgyas shing / /phun tshogs phan bde'i 'bras bzang g.yur za ba'i/ /rgyal rgyud sa la'i rkang 'thung rtag brlan shog/ yangs pa'i sar 'khod mchog dman 'gro ba kun/ /na 'chi rgud pa'i gdung ba kun bral te/ /ring por 'tsho ba'i tshe