[A:༣༨༦]༄། །དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱི་རྣམ་པར་ཐར་པ་བཞུགས། །
༄༅༅། །བསོད་ནམས་རྒྱ་མཚོའི་གླིང་ལས་འཁྲུངས།
།བསྟན་པའི་རྒྱལ་མཚན་རྩེ་ལ་མཆོད།
།འགྲོ་བའི་དཔལ་མགོན་ཆོས་ཀྱི་རྗེ།
།ཕྲིན་ལས་བཟང་པོའི་ཞབས་ལ་འདུད།
།མི་ཟད་རྒྱན་གྱི་སྐུ་གསུང་ཐུགས།
།ཉིད་ཀྱི་ཡོན་ཏན་རྒྱ་མཚོ་ལས།
།རྣམ་ཐར་ནོར་བུའི་ཕྲེང་བ་གང༌།
།དད་པའི་སྙིམ་པས་བླངས་ཏེ་སྤེལ།
།ལྷ་དང་བཅས་པའི་སྐྱབས་གནས་ཁམས་གསུམ་ཆོས་ཀྱི་རྒྱལ་པོ་དཔལ་ལྡན་བླ་མ་དམ་པ་འགྲོ་བའི་མགོན་པོ་ཆོས་ཀྱི་རྗེ་བསོད་ནམས་རྒྱལ་མཚན་དཔལ་བཟང་པོ་དེ་ཉིད་ཀྱི་རྣམ་པར་ཐར་པ་བརྗོད་པར་ག་ལ་ནུས་ཏེ། ངེས་པར་འཇམ་པའི་དབྱངས་ཉིད་དུ་ཤེས་པར་བྱའོ། །འདིར་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་ལ་ཡིད་ཆེས་ཤིང་ཁུངས་བཙུན་