[A:412]zin/ nyi gling rin po che'i zhabs drung du sgra mtshams sbyor lnga pa'i ri mo rje nyid kyis mdzad pa'i steng nas zhus/ de skabs su sa gzhong la dung dkar dang sha sha dha ra bris pa'i sa gnyis spral
(dpral )
bar byug cing sngags de nyid brjod pa sgra dbang zhes pa thob/ rje bla mas grwa thang gnas chung pa la gsan no/ /sdeb sbyor rin chen 'byung gnas dang / me tog chun po nas lci yang ngos 'dzin sogs/ me long ma nas snyan ngag gi ltogs lha sod tsam/ dpal ldan 'bras spungs su kha dog dkar dmar la tshad ma'i snying 'dod bsad do/ /de nas mkhas par grags pa sna tshogs drung du/ rgyud sde so so'i dkyil 'khor bri thig /shraddha ka ra warma'i gzhung dang / slob dpon rtse mo'i dbang chu chen mo/ dkyil chog so so/ bu ston rin po che'i rdor dbyings thig rtsa rgyas pa sogs nas bshad pa dang lag len mthun pa'i ming thogs tsam sbyangs/ yid bzo ni spyir de dag thams cad la khyab byed du yod mod/ khyad par thos sbyangs las byung ba'i bsam sgom 'chad rtsod rtsom pa dang / bskyed rdzogs la nyams len cung zad byas pa ste/ thob yig bum pa bzang po las rig gnas kyi le'u ste bcu gnyis pa'o// //
! bde bar gshegs pa sras dang bcas pa rnams kyis gsungs pa'i chos nyan pa la phan yon dpag tu med pa yod de/ de bzhin gshegs pa'i gsang ba bstan pa'i mdo las/ dam chos 'dzin pa'i bsod nams ni/ /sangs rgyas kun gyis nan tan du/ /bskal pa bye bar brjod mdzad kyang / /mtha' mar phyin par 'gyur ma lags/ /zhes dang / rnam bshad rig pa las/ dad pas nyan pa gang gis na/ /mtho ris dga' ba'i bsod nams dang / /gang gis mya ngan 'das thob pa'i/ /shes rab sa bon brtas par 'gyur/ /zhes dang / slob dpon dpa'