[A:414]dang mthun/ sgom pa mdo sde dang mthun pa/ paN grub rnams kyis bshad/ lo tsA bas bsgyur/ mkhas pa rnams la yongs su grags pa'i chos rnams/ dper na/ shi bi'i rgyal pos rang gi sha khrag gis mchod nas srin po la chos nyan pa dang / rgyal po legs bshad tshol gyis chos kyi yon du rang lus ri bo'i rtse nas 'phangs pa dang / shi bi'i rgyal pos lus la mar me stong spar ba dang / rje btsun 'jam dbyangs da dung 'dren pa rnams las thos pa rgya mtsho bsag sogs/ de bzhin du rdzogs pa'i sangs rgyas rnams kyi gsung rab ma lus pa khong du chud par gyur cig gu snyam du sems so/ /'dir le'u dang rdzogs so bris pa la skyon med de/ so so'i go rim dang bstun te slar chos zhus pa rnams de dang de dag gi skabs su bri rgyu'o/ /
! bsngo smon shis brjod ni/ 'dir 'bad ngal bas thob yig bkod gyur pa/ /mkhas mchog rnams kyi dgongs pa rdzogs sam snyam/ /blun rmongs rnams la tshul 'dis ci zhig bya/ /skyes bu 'bring po rnams la phan nam snyam/ /de ltar thos sbyangs las byung dge tshogs rgyu/ /tshad med zhing na grangs med sangs rgyas rnams/ /rgyal ba'i myu gu gsung skyes dang bcas pa/ /chos kyi 'khor lo gang du bskor ba der/ /sring mo the tshom sel ba'i ting 'dzin ltar/ /de dag re re'i drung na lus dbang re/ /sprul nas dam chos bdud rtsi ji snyed pa/ /thos nas ji bzhin 'dzin pa'i phyir du bsngo/ ! /lha dbang gtsug rgyan nor bu rin chen 'dra/ /rtsa brgyud bla ma rnams kyi bkra shis shog /dngos grub kun 'byung bum pa bzang po bzhin/ /yi dam lha tshogs rnams kyi bkra shis shog /kun la phan mdzad nam mkha'i nor bu ltar/ /rgyal sras nyan rang rnams kyi bkra shis shog /'jigs dang bskal pa'i mtsho chen dang