[B:360b]'dzin //
byang chub thugs gnyis 'byongs pa rgyal ba'i sras //
rim gnyis lam la dbang thob rdo rje 'dzin //
snyigs dus 'gro ba'i gnyen gcig tsong kha pas //
rig 'dzin sde snod kun la blta ba'i mig //
mdo sngags rgyud sde bzhi yi khyad par dang //
re re la yang dbang bskur dam tshig srung //
lam 'bras mngon du byed tshul bzhir bsdus nas //
bya spyod rnal 'byor rgyud kyi lam gyi gnad //
mtshan bcas mtshan ma med pa'i rnal 'byor bsgom //
bla med dbang la sa chog lhag par gnas //
dkyil 'khor bri sgrub 'jug pa'i cho ga dang //
rgyud don ma lus dbang gi lam du ni //
nges pa ster ba'i dbang bzhi'i gdams pa bstan //
skye shi bar do sku gsum bsgyur byed pa'i //
thabs kyi dam pa rim gnyis sgom tshul la //
yabya bral lam gyis bgrod pa'i lugs bkag nas //
rdo rje bzhis skyed ting 'dzin rnam pa gsum //
rnal 'byor bzhi ldan yan lag drug la stsogs //
spyi chings rmad du byung ba'i bskyed rim bsgom //
[A:4]
rdzogs rim thabs shes rgyud kyi gtso bo'i lam //
dus pa'i rim lnga zab gsal gnyis su med //
dus kyi 'khor lo'i rnal 'byor yan lag drug //
bde dgyes las gsungs rim lnga rnal 'byor che //
'khor lo bzhi la brtan pa'i gtum mo bsgom //
rdzogs rim kun la dgos pa'i thog ma'i lam //
rtsa rlung thig le'i gnad la bsnun pa las //
byung ba'i lhan skyes bde stong sbyor tshul stsogs //
dri ma med pa'i lung dang rigs pa yis //
rgyas par gtan la phab pa'i rim pa 'di //
mkhas pa'i dbang po rgyal tshab chos kyi rje //
grub pa'i dbang phyug 'jam dpal rgya mtsho dang //
rgyal ba'i sras po kun dga' bzang po'i gsung //
dang du blangs