[A:49] 'khor sa la 'phags pa rtag tu ngus pradznya pa ra mi ta 'tshol ba / chos skyong ba rgyal po bse khrab can dang / mkha' 'gro ma seng ge'i 'gros can / dkor mdzod dpe har gling na shAkya thub pa gtso 'khor dgu / yab dang sras mjal ba'i mdo'i rgyud ris bris / glo 'bur rnams na bsam yas 'byongs pa'i dkor lhag ma 'di na 'di yod kyi rtsis yig byang shing khram kha gang / de'i srung ma khram gang gi rgyal po spyi'i chos skyong dpe har la gtad / yaksha gong ma gang pa bzang po'i khang pa na shAkya thub pa gtso 'khor lnga / rgyud ris skal pa bzang po'i mdo sangs rgyas stong rtsa gnyis / chos skyong thang lha gang pa bzang po / yaksha 'og ma gnod sbyin nor bu bzang po'i khang pa na / lder tsho rgyud ris gong dang mthun / chos skyong ba gnod sbyin nor bu bzang po la gtad / de gnyis nyi ma dang zla'i dod yin / shar phyogs kyi logs gling dang bcas pa kha dog dkar po shel / lho ngos mthing bai durya / nub ngos dmar po pad ma rA ga / byang ngos ser po gser gyi rang bzhin / yang na ljang gu inda ni la / logs kyi zhal ba la chu gnyer 'dra ba / thang la dkar zhal phyi'i rgya mtsho la dpe byas pa yang byas so /
de nas tshang mang ke ru gling na steng khang na slob dpon bo dhi satwa'i gzims mal dang / ba so lha khang dang / 'og khang na dkar thab / chos skyong gnod sbyin lag na myu gu thogs / dag byed khrus kyi khang pa na khron pa tsan dan gyis bkang ba / 'og so phag logs la rab tu byung ba skyo ba byed par bya ba'i keng rus kyi rnam pa 'dul ba nas bshad pa bzhin bris / chos skyong lag na dbyug pa thobs pa / mthu rtsal gling na se ba phung po gcig la sbyin sreg byas pa'i yal ga brgyad la klu chen po brgyad byas / de'i dbus na phyag na rdo rje zhi ba dkar po 'dul byed du bzhengs / rgyud ris nya dang sbal pa dang / chu srin la sogs pa bris / chos skyong sa bdag rgyu 'dal gnyan dgu dang bcas pa rang bcas su yod /