[A:73] yar ngo mar ngo dang / chos dag ma dag gnyis gnyis 'byung ba rten 'brel gyi che ba yin pas / nga 'das pa'i 'og tu rgya nag gi mkhan po zhig 'byung ste / des thabs dang shes rab la bkur ba 'debs pa dkar po chig thub zhes bya ba sems rtogs pa 'ba' zhig gis sangs rgya'o zhes zer ba 'byung bar 'gyur te / de bcom ldan 'das kyi mdo las / snyigs ma lnga'i nang nas lta ba'i snyigs ma zhes bya ba stong pa nyid la dga' ba yin par gsungs pas / bod kho nar ma zad / snyigs ma lnga bdo ba'i gang zag thams cad de la dga' ba chos nyid yin / de'i chos lugs de 'phel na sangs rgyas kyi bstan pa spyi la gnod pas / de'i tshe nga'i slob ma kA ma la shI la zhes bya ba'i mkhas pa chen po de rgya gar nas spyan drongs la / rgya nag gi mkhan po dang rtsod du chug la gang rgyal ba de'i lugs gyis shig / ces lung bstan pas / de ltar 'tshal zhes zhus /
de nas rgya gar nas slob dpon kA ma la shI la spyan drangs / bsam yas su khri bshams te dbus su rgyal po / g.yas g.yon gnyis su rgya nag mkhan po dang kA ma la shI la bzhag / mtha' 'khor rnams kyis bskor ba'i tshe / thams cad kyi mtshon cha bsdus / lag tu me tog gi phreng ba gtad nas gang rgyal ba la btud te / pham pa'i chos lugs bor nas / rgyal ba'i chos lugs la 'jug par rgyal pos khrims bcas / de ltar mi byed pa la chad pa bcad par dam bcas pa'i tshe / kA ma la shI la'i gral du rgya gar gyi chos lugs 'dzin pa 'ga' dang blon po 'gos la sogs pa nyung zad gcig las ma byung / rgya nag mkhan po'i gral du rgyal po'i btsun mo 'bro bza' byang chub dang / gzims mal ba co rma rma / ngan lam stag ra klu gong la sogs pa tshogs pa shin tu che bar 'dus so /
der slob dpon kA ma la shI las rgya nag gi chos lugs ji ltar yin zhes phyogs snga dris pa na / rgya nag na re / khyed kyi chos lugs skyabs 'gro sems bskyed nas