[A:B-80] mas yar 'ongs pa slar mar skyal bar byas / blon po dad pa can btsan po'i thugs su gdon gsol ba nges ces myang byed cing / yab mes kyi yi ge bltas pas / mes srong btsan stong zhal sprul bar 'dug /
de rjes la rgyal po 'phrul lnga ba yang byon / blon sba gsal gnang [gsal snang] la sogs pa rig pa can kyang mang du byung ba'i rtags mang du gleng nas / lha shAkya mu ni bod kyi bde skyid kun 'byung bar shes te / spyan mi drang ba'i thbs byas nas / ra mo che'i sku sgul ba'i ma nus zhes snyan du gsol bas / rje'i zhes zhal nas gzu ba chug la bor zhes bsko bas / khang pa bye mas bkang nas gzu bas bor / lha'i snyan g.yon theg pa la btsal / de nas 'breng pa'i dra bar ngag bcug nas drud pas them khar mi dang thag pa kun chad / sngon kyang zhang ma zhang gi sku sa thems su bcug go mchis nas / sku bye dong du sbas / ra sa'i sku mar skyol ces bsko bas / byams pa'i sku smad ras kyi sgril nas sku shing sgrom du spyan drangs par byas nas / ra sa'i steng du cho nges btab pas btsan po lho nub kyi dkyil 'khor gyi steng na mi dge ba'i khrims 'cha' bas thos nas ci nyes zer / shAkya mu ni'i 'og nas rgyal pos klu mthong ba'i dug can mnan nas 'dug byas pas / sku phyir thon nam mthon zer / sku phyir thon sku'i khar bye ma blug gam zhes gsol bas / de yags [lags?] de ltar bgyis zer / shAkya mu ne'i bzhugs khang bye mas sdzangs / sgo 'dag pas byugs rgyal po dgar re ba'i ri mo btsun ba chang 'thung ba'i gzugs la sogs pa bris te byams pa phyir