[A:1b]/ / oM swa sti/ gu ru budha bo dhi satwa bhyaH na mo na maH gang zhig lha dbang tshangs pa 'jig rten skyong pa'i gtsug nor dri med kyis/ /gang zhig zhabs pad dri med rtag bsten chu srin rgyal mtshan dpung tshogs rnams/ /rnam par bcom zhing dri med dam chos 'khor lo cher bskor gdul bya rnams/ /srid pa'i gzeb las nges par bsgral te thar pa'i grong du 'jug mdzad gang der 'dud/ /shes bya'i mkha' la mkhyen pa'i chu 'dzin rab dkrigs nas/ /brtse ba'i char gyis gdul bya'i myu gu bskrun mdzad cing/ /zab lam 'brug sgra cher sgrogs thugs rje'i glog phreng gis/ /mi shes mun stug drung nas nges 'byin gang de rgyal/ /thub pa'i bstan pa byang nas byang gi phyogs su rgyas par 'gyur/ /zhes gsungs pa'i tshul bzhin du/ ji ltar byon tshul dang/ de 'dzin pa'i skyes bu dam pa rnams kyi gdung rabs cung zad