[A:2a]/ /tsam zhig brjod na/ lha mtho'o der snyan btsan gyi sku ring la dam pa'i chos kyi thugs brnyees/ srong btsan sgam po'i sku ring la srol btod/ lo tstsha ba thon mi legs dag byung/ khri srong lde btsan sku ring la dar zhing rgyas par mdzad de/ mtho stobs kyi dbang phyug slob dpon padma a kA ra dang/ mkhyen rabs kyi dbang phyug slob dpon bo dhi satwa shAnta rakShi ta la sogs pa paNDi ta mang po byon zhing bod yul du btsun pa la snga ba 'di rnams rab tu byung bar mdzad de/ dba' ra na rakShi ta/ dba' dznya nandre rakShi ta/ rad nendra rakShi ta/ su ga warmA rakShi ta/ bai ro tsa na rakShi ta/ nA gendra ra kShi ta rnams ste sad mi mi bdun zhes grags so/ 'di rnams la ska bi shri ku di rakShi la sogs pa lo tstsha ba chen po brgya rtsa brgyad kyis blo sbyangs la/ de rnams la/ ca ro nA ga dhA dza la sogs pa'i lo tstsha ba stong gis blo sbyangs mdzad par grag go/ khri srong lde btsan gyi sku ring la nang blon la gtogs pa 'khon dpal po che zhes bya ba la sras bzhi 'khrungs pa'i che ba khri mdzes lha legs/ gnyis pa tshe la dbang phyug/ gsum pa klu'i dbang po bsrung ba ste/ sad mi mi bdun gyi nang na blo gros gsal bar grags/ bzhi pa tshe 'dzin zhes bya ba'i sras po/ slob dpon pad ma'i dngos slob rdo rje rin po che zhes bya de'i sras shes rab yon tan/ de'i sras yon tan 'byung gnas/ de'i sras tshul khrims rgyal po/ de'i sras rdo rje gtsug gtor/ de'i sras