[A:2b]dge skyabs/ de'i sras dge mthong/ de'i sras bal po/ de'i sras shAkya blo gros/ de'i sras gnyis kyis gcen po shes rab tshul khrims/ gcung dkon mchog rgyal po/ de'i sras sa chen kun dga' snying po/ de'i sras sku mched bzhi la/ gcen po kun dga' 'bar rgya gar du sku gshegs/ gnyis pa rin po che bsod nams rtse mo/ gsum pa rje btsun grags pa rgyal mtshan/ bzhi pa slob dpon dpal chen 'od po/ de'i sras sku mched gnyis 'khrungs pa'i gcen po chos rje sa skya paNDi ta chen po/ gcung po bsod nams rgyal mtshan/ de la btsun lo lnga yod pa'i chen ma jo jo kun snying la sras gnyis bltams pa'i gcen po bla ma dam pa 'phags pa/ gcung 'gro mgon phyag na/ de'i sras dharma pa la rakShi ta/ slob dpon bsod nams rgyal mtshan gyi btsun mo gnyis pa jo mo 'bro la/ lcam sring gnyis bltams pa'i sras slob dpon rin chen rgyal mtshan dpal bzang po/ sras mo slob dpon ma mdo sde/ btsun mo gsum pa gung thang rtsad po'i sras mo lha gcig mdzes ma la sras mo gnyis bltams pa slob dpon ma bsod nams 'bum dang/ slon dpon ma nyi ma 'bum btsun mo bzhi pa lha gcig mdzes ma'i nye gnas ma jo jo rdo rje ldan gyi sras po slob dpon ye shes 'byung gnas/ btsun mo lnga pa jo lcam hor mo'i sras mo slob dpon ma rin chen 'byung gnas/ slob dpon ye shes 'byung