[A:4a]/ /dngul longs spyod phun tshogs kyang// nya sogs rgya nang chud pa ji bzhin no// ta la la sogs mdo rgyud du ma rnams// tha rgod dang 'dra'i sems 'di gdul phyir gsungs// da dung rang gi sems la mi lta na// na bun bzhin du nam zhig yal gyur kye// pa lakSha ltar g.yo ba'i rig pa 'di// pha mtha' med pa'i 'khor bar yang yang 'khor// ba mos phog pa'i rtsa zil dran gyis la// ma yengs dam pa bston cig rigs kyi bu// tsa ko ra ltar gcig pur gnas bya zhing// tsha zer skyob pa'i gnas su shing drung bsten// dza gur ltar du lus sems dngul gyis la// wa le lta zhing ma yengs dang la zhog// zha long 'on sogs spangs pa'i dal 'byor 'di// za 'og lta bu'i snang bas slu 'brid byas// 'a 'u dar dir snyan grags rmi lam 'dra// ya mtshan 'khrul snang da lta bcad na legs// ra bas bskor ba'i nyes pa'i btson ra nas// la gor phyi shol ma byed 'bros na ran// sha khrag rus dang rig pa nam zhig 'bral// sa lam tshe 'dir bgrod na mi legs sam// ha cang thal ba'i rang sems chud zos la/ a wa Dhu ti rin chen rnam rgyal gyis// a sogs yi ge spel ba'i snying gtam bshad// a la la ho sems la phan par shog// ces pa rang gi sems la gros 'debs pa'i yi ge sgra tshad pa rin chen rnam rgyal gyis sbyar ba'o// dge'o// gcig zhus//