[A:1b] / / oMsrasi si dhaM/ phun tshogs bsod nams khri 'phang rtser 'khod bar// mdo dang sngags kyi 'khor loos sgyur mdzad cing// gangs can gdul bya kun gyi skyabs gyur pa// dpal ldan sa skya'i bla chen rnams la 'dud// rigs rgyud bzang po nor bu'i cod paN ni// blo gsal spyi bo'i rgyan du ngas sbyin gyi// dad pa'i bzhin ras mdzes pa'i mched du long// phan bde'i dga' ba lang tsho rgyas par gyur// de la rje btsun sa skya pa rnams la chos dang 'jig rten gyi phun sum tshogs pa mnga' ba'i rgyud pa byon tshul mdor bsdus ste brjod na/ gdung brgyud rin po che ni thog mar lha las babs pa yin te/ che ba gnam la spyi rings/ bar pa gnam la g.yu rings/ chung ba gnam la dbu so'o/ g.yu rings la sras bdun gyi chung ba'i sras thog tshad dpa' 'o stag/ de'i sras klu tsha stag so 'od chen/ de'i sras g.ya' spang skyes/ de'i sras khon bar skyes/ de'i sras dkon pa byong khung stag/ dpal po che'o/ 'di chos rgyal khri srong lde btsan nang blon yin/ de la sras bzhi/ dang po khri mdzes lha legs/ gnyis pa tshe la dbang phyug/ gsum pa klu'i dbang po bsrung ba/ bzhi pa tshe 'dzin noo/ klu dbang bsrung ni mkhan po bo dhi swa sto'i slob ma slob ma lo tstsha ba sad mi bdun gyi gcig yin/ bzhi pa tshe 'dzin gyi sras 'khon rdo rje rin chen/ 'di slob dpon pad mi'i dngos slob yin/ de'i sras bdun gyi tha stag mtshan shes rab yon tan/ de'i sras yon tan 'byung gnas/ de'i sras tshul khrims rgyal po/ de'i sras gtsug gtor rgyal po/ de'i sras gtsug gtor shes rab/ de'i sras dge skyabs/ de'i sras dge mthong/ de'i sras bal song/ de'i sras shakya blo gros/ de'i sras che ba mkhon rog shes rab tshul khrims/ rdo rje rin chen nas 'di yan gsang sngags snga 'gyur ba la mnga' mnyes so/ de'i sras bcung mkhoon dkon mchog rgyal po shing pho khyi lo sku 'khrungs/ 'brog mi lo tsA ba/ khyin lo tsA/ mgos lo tsA/ rma lo tsA/ ba ri lo tsA la sogs lo tsA ba mang po dang/ u rgyan gyi paNDi ta shes rab gsang ba la sogs bshes gnyen mang po rten/ dpon po ri pa dkar la snum pa/ chu bo g.yas su bab pa/ bkra shis pa'i dge mtshan mang po dang ldan pa gzigs ste/ dgung lo bzhi bcu pa