[A:9a]/ /la sras gnyis 'khrungs pa'i/ gcen nyi ma rgyal mtshan/ gcung zla ba rgyal mtshan/ gcen gzhon nu la gshegs/ gcung rab tu byung ba'i mtshan kun dga' rgyal mtshan/ phyis bla chen du mtshan gsol/ 'khrungs sa zhal lu khang gsar/ dgung lo bdun bcu don lnga pa/ shab dge sdings su gshegs/ mdor na sku mched lcam dgu byon/ de las gyes pa'i thog mar/ rta dben chos kyi rgyal mtshan bsnyen rdzogs mdzad gong/ btsun mo gsum bzhes pa'i dang po/ yul chu mdo ba/ nye gnas nam mkha' dpag shi'i lcam mo/ ming ma gcig rgyal mtsho/ de la theg chen chos kyi rgyal po kun dga' bkra shis/ sa mo glang gi lo/ lha khang chen mo'i shar du 'khrungs/ drug bcu re bzhi bzhes pa chu pho 'brug gi lo la rgyas gdan drangs/ shing mo sbrul lo dgung lo bdun bcu don dgu pa la/ lha khang chen mo'i rtser gshegs/ btsun mo gnyis pa ma gcig lha skyabs la/ slob dpon chen po dharma dho tsha dang/ rdo rje rin chen pa 'khrungs/ btsun mo gsum pa/ lho pa dpon chen 'dero seng ge'i sras mo/ ming dpon sras ldan pa la/ slob dpon chen po bsod nams bkra shis 'khrungs/ byang pa gu'i gung rin rgyal ba/ 'jam dbyangs nam rin rnams dang yum gcig/ ta'i dben bzhi thog pa kun dga' rin chen