[A:9b]pas btsun mo gnyis khab tu bzhes pa'i dang po/ bla brang nyi thog pa'i bu sring mo/ ma cig nam pa la/ slob dpon chen po blo gros rgyal mtshan pa 'khrungs/ bzhi thog gi gog pa la bzhugs/ btsun mo gnyis pa/ sras mo che ba/ bla ma mnyam med pa'i dbon mo/ ma gcig dge ma la/ slob dpon chen po grags pa blo gros pa dang/ kun dga' blo gros sku mched gnyis 'khrungs/ dpa'i len dbang grags pa rgyal mtshan pas/ btsun mo gnyis khab tu bzhes pa'i/ dang po byang pa dpon chen nam mkha' gtan pa'i lcam mo/ ma gcig lha rin la/ gcen twa'i dben kun dga' legs pa/ gcung dbang rnams sras rgyal mtshan pa 'khrungs/ btsun mo gnyis pa stag tshang pa ma gcig sras 'dren la/ slob dpon chen po 'jam dbyangs chos rgyal 'khrungs/ bla ma chen po kun dga' rgyal mtshan pas/ dpon mo zhal lu ma la/ slob dpon rin po che nam mkha' rgyal mtshan pa dang/ bsod nams rgyal mtshan sku mched gnyis 'khrungs/ mdor na sku mched bcu gcig byon/ de las gyes pa slob dpon chen po bsod nams bkra shis pas/ byang pa gu'i gung chos grags dpal gyi lcam mo/ ma gcig nam pa la/ slob dpon chen po bde legs bkra shis rgyal mtshan dpal bzang po 'khrungs/ bzhi thog pa blo gros rgyal mtshan pas/ chu mig ma gcig la sras kun