[A:1b]/ /thub pa rin po che'i rgyal tshab 'jam pa'i dbyangs kyi rnam sprul/ 'khon gyi gdung rgyud rin po che 'di nyid/ thog mar lha las babs pa yin ces thos ste/ de la yang gnam gyi lha mched gsum byung pa'i/ che ba gnam lha spyi rings/ bar pa gnam lha g.yu rings/ chung ba gnam la dbu se bya ba/ gsum mi yul du babs pa la/ rje zhus pas/ dbu se byon nas mi mdzad/ de la sras bzhi byung pa la/ se byi li yun bzhir grags so// de rnams kyis ldong rus chen bco brgyad dang 'thabs pa'i grogs la/ gnam lha g.yu rings byon nas/ ldong rus chen bco brgyad btul te bran du byas so// 'khon gyi gdung rgyud 'di gang las 'dod na/ gnam lha g.yu rings gis/ dmu'i bu mo dbu sa ldem bu khab tu bzhes pa las sras bdun byung pa la/ dmu'i tsha yun bdun du grags so// de'i gcen po drug yab dang bcas pa lha yul du gshegs/ chung shos ma sangs kyi rje la/ thog lha 'od chen gyi bu mo/ thog lcam 'ur mo khab tu bzhes pa'i sras thog tsha dpa' 'o stag/ des klu'i bu mo/ klu lcam gra ma khab tu bzhes pa'i sras/ klu tsha rta po 'od chen/ des mo sa mtsho mo khab tu bzhes pa'i sras/ g.ya' dang spang gi 'tshams su skyes pas/ ming yang g.ya' spang