[A:5b]dharma pa la'i phyags phyi la gong du byon/ bla ma dus 'khor ba'i rjes la/ se chen gyi dus su/ mdzad nas dgung lo lnga bcu rtsa brgyad la gong du 'das/ de'i gcung po sras bla ma sangs rgyas dpal gyi dus na/ khang gsar bla brang bzung/ gong du ol ja du dang/ go mug rgyal po/ bu yan da rgyal po gsum gyi bar du ti shri mdzad nas/ dgung lo bzhi bcu zhe brgyad pa la gong du 'das/ de'i sras bla ma grags pa rgyal mtshan pas gu shri mdzad/ kun spangs mdzad pa'i ngang dgung lo nyi shu rtsa drug la grongs/ khang gsar ta'i phas spun ring ba'i rgyud slob dpon chen po nyi ma rgyal mtshan gong gu shri mdzad 'das/ da lta slob dpon chen po bde legs rgyal mtshan pa bzhugs/ //sa skya pa'i dpon chen la snga ba shakya bzang po la/ bla ma chos rje pa byang ngos su 'byon dus/ bla ma 'u yug pa dang shar pa sher 'byung ma gtogs dge ba'i bshes gnyen thams cad kyis phyag 'tshal du bcug nas gdan sa lta bur 'ongs/ bla ma 'phags pa'i dus su/ se chen gyi lung gis dbus gtsang gis rnams bla brang min/ dban hu'i dam kha byin nas