R908: དེབ་ཐེར་སྔོན་པོ།

« Title Page

Pagination (Witness A): 1274

Last Page »

[A:1274]ཚིག་འདི་ཡང་རྟ་ཚག་པ་ཡེ་ཤེས་བློ་བཟང་བསྟན་པའི་མགོན་པོས་སྦྱར་བ་དགེ། ཁྱོན་སྡོམ་ཤོག་གྲངས་༤༨༥་བཞུགས། ། ། །

ཨ་མདོ་མདོ་སྨད་ཆོས་གྲྭའི་ཤིང་པར་གྱི་པར་བྱང་ནི། “དེ་ཡང་གོང་དུ་པར་དུ་བཞེངས་པའི་ལོ་རྒྱུས་ཀྱི་སྐབས་ལྟར་པར་གཅིག་པོ་དེ་ཉིད་མ་གཏོགས་དབུས་གཙང་ཁམས་གསུམ་གང་དུ་ཡང་ཡོད་སྐད་མ་ཚོར་ཞིང༌། དེ་ཉིད་ཀྱང༌། ཀརྨ་ཞྭ་དམར་བ་ཆོས་གྲུབ་རྒྱ་མཚོ་ལ་གོང་ནས་བཀའ་ཆད་བྱུང་སྟེ། ཁོ་རང་གི་དགོན་དེའི་དཔེ་ཆ་དཔར་ཤིང་སོགས་གོང་དུ་གཟིགས་འབུལ་གྱི་ཆེད་དུ་ལྷ་ས་དགའ་ལྡན་ཕོ་བྲང་དུ་འབྱོར་བ་ལས་དཔར་ཤིང་འདི་ཉིད་ཀུན་བདེ་གླིང་དུ་བཞུགས་པར། སླར་ཡང་ངེས་པ་དོན་གྱིི་བློ་བཟང་བསྟན་པའི་མགོན་པོ་བ་སོ་སྤྲུལ་པའི་སྐུ། རྒྱལ་ཚབ་རྟ་ཚག་རྗེ་དྲུང་རིན་པོ་ཆེ་ནས་ཤིང་བསལ། ཤིང་བསབ་སོགས་ཀྱི་དོ་དམ་དང༌། པར་བྱང་དང་བཅས་བཀའ་དྲིན་དུ་སྩལ་པས་དཔེ་དེ་ཉིད་ཕྱི་མོར་བྱས་ཏེ། མདོ་སྔགས་ཆོས་ཀྱི་སྒྲ་དབྱངས་རྒྱུན་མར་སྒྲོགས་པའི་སྐྱེད་ཚལ་དགའ་ལྡན་ཆོས་འཁོར་གླིང་ཞེས་བྱ་བའི་མདོ་སྨད་ཀྱི་ཆོས་གྲྭ་ཆེན་པོར་པར་དུ་སྒྲུབ་པའོ། །” ། །