R909: deb ther sngon po/ {bod yig glog rdul dpe cha/}

« Title Page

Pagination (Witness A): 1256

Last Page »

[A:1256]sngags kyi dkyil 'khor legs par bzhengs/ sa mo phag gi lo la stod lungs kyi chab tshan la thegs/ de nas dpal 'bras spungs kyi”zhes bkod 'dug sgrig pa po'i mchan/

gtsug lag khang du dge ba'i bshes gnyen mang po la dpal gsang ba 'dus pa'i rgyud gsung ba'i 'phro la chos gsung ba'i gdan dge ldan phyogs la lta ba zhig mdzad/ le'u dgu pa'i bshad pa rdzogs pa dang dge ldan la thegs pa'i lam du gsang sngags mkhar la rab tu gnas pa gnang / de nas lha spur gru bzhi bas gdan drangs te der bzhugs pa na nam mkha' las lha'i gaNDi'i sgra drag po byung bas dge ldan gzims khang nyid du phebs te/ der chos kyi rje rgyal tshab rin po che la dbu zhwa dang na bza' ber thul zhig gnang ste/ gdan sar don gyis go bar mdzad nas ting nge 'dzin la snyoms par zhugs pa na bcu drug lon pa lta bu'i nyams can 'od dang ldan pa'i zhal gyi dkyil 'khor gdul bya rnams kyis mthong ba'i mod la dag pa'i dbyings su gshegs so zhes bya ba ni/ rje btsun thams cad mkhyen pa'i mdzad pa phyogs tsam zhig nye bar glengs pa'o/ rje btsun de'i bka' drin las zhal ma mthong zhing / sa phyogs ring na gnas pa'i rab tu byung ba dag kyang dras drubs ma dang / gding lhung la sogs pa'i yo byad bsrel ba dang / phyi rol yang sdud ma spangs te zla gam gyon pa dang / zhwa'i kha dog kyang gser mdog tu byed pa 'di yin no/ 'di dag ni thun mong du snang ba'i che ba tsam zhig brjod pa ste/ gsang ba'i bdag