[A:༦༣༥ན]གོམས་པའི་ལྷག་བསམ་དང་། །
ཆོས་ཀུན་བདེན་མེད་རྟོགས་པའི་དཔའ་གདེང་གིས། །
ལུས་སྲོག་ལོངས་སྤྱོད་གང་ལའང་མ་ཞེན་པར། །
བསྟན་འགྲོའི་དོན་ཆེན་སྒྲུབ་པར་བྱིན་གྱིས་རློབས། །
མདོར་ན་དེང་ནས་བྱང་ཆེན་མ་ཐོབ་བར། །
མཚན་ལྡན་དམ་པའི་མགོན་གྱིས་རྗེས་བཟུང་སྟེ། །
ཕྱི་ནས་ཤེས་བྱའི་དེ་ཉིད་ལེགས་རྟོགས་ནས། །
རབ་འབྱམས་གཞུང་ལ་སྤོབས་པ་དགེ་བ་དང་། །
དྲག་ལ་རྒྱུན་མི་ཆད་པའི་བརྩོན་འགྲུས་ཀྱིས། །
ལམ་མཆོག་སྒྲུབ་པར་ནམ་ཡང་མི་གཡེལ་བས། །
ཏིང་འཛིན་གཟུངས་སྤོབས་མངོན་པར་ཤེས་ལ་སོགས། །
ལམ་གྱི་ཡོན་ཏན་མཐའ་དག་མངོན་གྱུར་ཅིང། །
ལྷག་བསམ་སྙིང་སྟོབས་གོ་ཆ་བཙན་པོ་ཡིས། །
སྐལ་བ་དང་མཐུན་ཟབ་རྒྱས་ཆོས་བསྟན་ནས། །
འགྲོ་ཀུན་བྱང་ཆུབ་མཆོག་ལ་འགོད་པ་སོགས། །
རང་གཞན་