[A:185]
རིགས་ངན་བླུན་པོ་རྣམས་ལ་དེ་ལྟ་ཡིན། །
ཆོས་རྣམས་མ་ལུས་རོ་གཅིག་མངོན་གྱུར་ནས། །
མིང་ཚིག་ཡི་གེའི་ཚགས་དང་རབ་བྲལ་ཡང་། །
བདག་བློ་སིམ་མཛད་དཔལ་ལྡན་བླ་མ་ཡི། །
བཀྲ་ཤིས་དེས་ཀྱང་དེང་འདིར་བཀྲ་ཤིས་ཤོག །
དཀོན་མཆོག་གསུམ་དང་མཚན་བཟང་དཔེ་བྱད་སོགས། །
དུ་མ་རོ་གཅིག་སྐྱབས་གསུམ་དབྱེར་མེད་པའི། །
སྐྱབས་གནས་མཐར་ཐུག་ཡོངས་གྲུབ་དེ་བཞིན་ཉིད། །
བཀྲ་ཤིས་དེས་ཀྱང་དེང་འདིར་བཀྲ་ཤིས་ཤིག །
ཁྲ་བ་མེད་ཀྱང་འཇིགས་རུང་རྡམ་པའི་སྒྲས།།
སྡང་བ་མེད་ཀྱང་བདུད་རིགས་ཚར་བཅད་ནས། །
ཆགས་མ་མེད་ཀྱང་རྗེས་འཛིན་བསྲུངས་མ་ཡི། །
བཀྲ་ཤིས་དེས་ཀྱང་དེང་འདིར་བཀྲ་ཤིས་ཤོག །
ཆོས་རྒྱལ་མང་པོས་བཀུར་བའི་གདུང་རབས་ལ་བརྟེན་ནས།
བསྟན་འཛིན་གྱི་གང་ཟག་དང་། ཆོས་སྐྱོང་བའི་རྒྱལ་པོ་ཇི་ལྟར་བྱོན་
པའི་དཀར་ཆག་འདི་ནི། མེ་ཕོ་འབྲུག་གི་ལོ་ཆུ་སྟོད་ཀྱི་དཀར་པོའི་ཚེས་
གཉིས་གཟའ་ཕུར་བུ་སྐར་མ་རྒྱལ་ལ་བབ་པའི་ཚེ་རྫོགས་པར་བྲིས་པའི་
ཡི་གེ་པ་ནི་ལྷག་རུ་བ་ཚུལ་རྒྱལ་ལོ། །
གང་ཞིག་ཐོས་པས་ཚིམ་པ་གང་། །
བསྟན་འཛིན་མཛད་པ་ཇི་བཞིན་བསྟན། །