[A:1]
མཆོད་པར་བརྗོད་པ།
བླ་མ་དང་མགོན་པོ་འཇམ་དཔལ་དབྱངས་ལ་ཕྱག་འཚལ་ལོ།།
འགྲོ་བའི་དོན་དུ་དཀའ་བ་དཔག་མེད་པས།།
བྱང་ཆུབ་མཆོག་རབ་འདི་ནི་མངོན་མཁྱེན་ནས།།
རིགས་རུས་བརྗོད་བྱའི་ཡུལ་ལས་རབ་འདས་ཀྱང་།།
རིགས་རུས་ཆོ་འབྲང་མཆོག་གྱུར་ཟས་གཙང་སྲས།།
ངོ་མཚར་རྨད་བྱུང་མཆོག་གི་སྤྲུལ་སྐུ་དེས།།
ཤིན་ཏུ་གདུལ་དཀའི་སེམས་ཅན་སྨིན་མཛད་པ།།
ཤཱཀྱའི་རྒྱལ་པོ་ཐུབ་དབང་དེ་དག་ལ།།
སྙིང་ཁོང་རུས་པའི་གཏིང་ནས་སྐྱབས་སུ་མཆི།།
ཐོག་མར་འཛམ་གླིང་འདི་ན་མཆོག་གྱུར་པ།།
ཟས་བཞི་མིང་དྲུག་ཐ་དད་རྣམ་གསུམ་གྱིས།།
ཀུན་ནས་འབྱོར་པ་སྐྱོན་མེད་མི་ཡི་བདག།
མང་པོས་བཀུར་བའི་ཞབས་ལ་ཕྱག་འཚལ་ལོ།།
བསོད་ནམས་མཐུ་ཆེན་ཁམས་ལས་ལེགས་གྲུབ་པའི།།
འདོད་འབྱུང་རིན་ཆེན་བདུན་གྱིས་ལེགས་འབྱོར་ཏེ།།