[A:184]
sems can thams cad bde dang ldan gyur cig /
de ltar bsam las byung ba'i dge ba rnams/ /
thogs med dus nas phan pa mang byas pa'i/ /
sems can rnams la ltos med byin zin gyi/ /
bde ba'i 'bras bu gzhan la smin gyur cig /
rmongs pa bdag ni tshe rabs thams cad du/ /
ngan song gsum du du kha gyur kyang sla'i/ /
bdag gi dus gsum bsags pa'i dge ba des/ /
'gro bas zhi bde'i go 'phang thob gyur cig /
dkar chag 'di ni nor bu rin chen te/ /
blo ldan rnams kyi bzhed pa kun 'byung zhing / /
dum bu res kyang dgos 'dod 'grub pa'i phyir/ /
nor bu rin chen ci yi phyir ma yin/ /
yid bzhin nor bu 'di ni sus 'dzin pa/ /
dam pa rnams dang gang du mjal gyur kyang / /
thugs la dga' ba yang yang skyed nus pas/ /
mkhas pa'i mdun sar de nyid mchog tu 'gyur/ /
chos ldan skyes bu gang du 'dug na'ang / /
tshig gi dpal 'dis yid kyi dga' ba 'phel/ /
nyon mongs rang dgar spyad pas blo brid pa/ /