[A:༧༤]ཡིན་ནོ། གཞན་ཡང་འདུས་པ་ལས། ཕྱི་རུ་ཉན་ཐོས་སྤྱོད་པ་བསྐྱངས། །ནང་དུ་འདུས་པའི་དོན་ལ་དགའ། །ཞེས་པ་ལྟར་སྡོམ་པ་གསུམ་ལྡན་གྱི་ཉམས་སུ་ལེན་བྱའི་གཙོ་བོ་སྲོག་ལྟ་བུ་ནི་དམ་ཚིག་དང་སྡོམ་པ་སྲུང་བ་ལ་རག་ལས་པས། ལམ་འབྲས་ཀྱི་ཉམས་ལེན་སྙན་རྒྱུད་ཚད་མ་བཞི་ལྡན་དབང་གི་ཆུ་བོ་ནུབ་མ་མྱོང་བའི་ལམ་གྱི་ཐུན་བཞི་ལ་དབང་བཞི་ལེན་པ་ནི། དེ་དག་ལ་བསམ་ན་ཡང་ཁྱད་པར་དུ་འཕགས་ཏེ། རིས་སུ་མ་ཆད་པའི་མཁས་གྲུབ་སྐྱེས་ཆེན་མང་པོས་ས་སྐྱ་པ་རྣམས་ལམ་དུས་ཀྱི་དབང་རྒྱུན་དུ་བཞེས་པ་འདིས་རྩ་ལྟུང་ཡང་སོར་ཆུད་པས་རྩ་ལྟུང་གིས་མ་གོས་ན་སྐྱེ་བ་བཅུ་དྲུག་ནས་འཚང་རྒྱ་བར་འགྱུར་བ་ཡིན་པས། ཁེ་ཆེ་ལ་ཉེན་ཆུང་བས་ཁྱད་པར་དུ་འཕགས་སོ་ཞེས་དགོངས་དབྱངས་གཅིག་གིས་ཡང་ཡང་བསྔགས་པར་མཛད་པའི་རྒྱུ་མཚན་ཡང་དག་དང་ལྡན་པ་ཡིན། དེ་ལྟར་ཉམས་སུ་བཞེས་པའི་སྔོན་བྱོན་སྐྱེས་ཆེན་རྣམས་ལ་ལམ་གྱི་དྲོད་རྟགས་ཇི་ལྟར་བྱུང་ཡང་གསང་བཅུའི་རྒྱས་འདེབས་དམ་