[A:9]Ta ra/ ri rab kyi rtse mo sogs su dbang rnon rig pa 'dzin pa'i 'khor gyi dbus su slar yang bzlas pa'i tshul gyis gsungs pa ste/ de la mdo sngags kyi khyad par ni/ rang don du lha bsgom pa/ gzhan don du dbang bskur ba dang rab gnas sogs cho ga'i bya ba yod med yin/ spyir mdo sngags gnyis la rtog bya'i lta ba/ thob bya'i 'bras bu/ kun slong byang chub kyi sems rnams mtshan nyid gcig kyang / rtog pa'i lta ba la mi rmongs pa dang / rtog byed kyi thabs mang ba dang / dka' ba med pa'i byang chub sgrub pa dang / dbang po rnon po'i dbang du byas pa ste bzhi'i sgo nas khyad du 'phags pa'i rgyud sde chen po de dag gi dgongs pa paN grub so so'i bkral stangs mi 'dra ba'i dbye tshul mang du yod kyang / rje btsun sa skya pa chen po brgyud par bcas pas kyi rdo rje'i bshad rgyud rdo rje gur gyi lung gi rjes su 'brang nas bya rgyud/ spyod rgyud/ rnal 'byor rgyud/ rnal 'byor bla na med pa'i rgyud sde bzhir