[A:74]yin no/ gzhan yang 'dus pa las/ phyi ru nyan thos spyod pa bskyangs/ /nang du 'dus pa'i don la dga'/ /zhes pa ltar sdom pa gsum ldan gyi nyams su len bya'i gtso bo srog lta bu ni dam tshig dang sdom pa srung ba la rag las pas/ lam 'bras kyi nyams len snyan rgyud tshad ma bzhi ldan dbang gi chu bo nub ma myong ba'i lam gyi thun bzhi la dbang bzhi len pa ni/ de dag la bsam na yang khyad par du 'phags te/ ris su ma chad pa'i mkhas grub skyes chen mang pos sa skya pa rnams lam dus kyi dbang rgyun du bzhes pa 'dis rtsa ltung yang sor chud pas rtsa ltung gis ma gos na skye ba bcu drug nas 'tshang rgya bar 'gyur ba yin pas/ khe che la nyen chung bas khyad par du 'phags so zhes dgongs dbyangs gcig gis yang yang bsngags par mdzad pa'i rgyu mtshan yang dag dang ldan pa yin/ de ltar nyams su bzhes pa'i sngon byon skyes chen rnams la lam gyi drod rtags ji ltar byung yang gsang bcu'i rgyas 'debs dam