[A:103] kha che zla ba mgon po/ 'bro lo tsA ba shes rab grags/ grab sgom dkon mchog srung / rnal 'byor bzang po sgro ston gnam la brtsegs/ grub chen yu mo dad pa rgyal po/ sras chos kyi dbang phyug /grub thob nam mkha' 'od/ sprul sku jo 'bum/ se mo che pa nam mkha' rgyal mtshan/ 'jam gsar shes rab 'od zer/ kun mkhyen chos sku 'od zer/ kun spangs thugs rje brtson 'grus/ byang sems rgyal ba ye shes/ mkhas btsun yon tan rgya mtsho/ jo nang kun mkhyen dol po shes rab rgyal mtshan dpal bzang nas gong bzhin no/
! /gnyis pa ni/ rtsa rgyud brtag pa gnyis pa nas gsungs pa/ mchog sgrub pa'i dkyil 'khor drug las/ man ngag lugs phyi'i rgyu dbang snying po kye rdo rje zhal brgyad phyag bcu drug pa lha dgu'i rdul tshon dang / yang / ras bris kyi dkyil 'khor chen por/ mngon rtogs bla ma dam pa'i yan lag drug pa/ dkyil chog slob dpon rtse mo'i dbang chu chen mo/ ngag 'don brag thog pas mdzad pa rnams nas dbang bzhi yongs rdzogs lan gsum thob/ skabs 'dir dbang don ngo 'phrod pas smin byed kyi dbang zhes bya ba'am/ phyi'i rgyu dbang zhes bya ba'i dbang du byas pa'i brgyud pa ni/ sku lnga ye shes lnga ldan rdo rje 'chang / /rgyal yum ye shes mkha' 'gro bdag med ma/ /de yis byin brlabs rje btsun birWa pa/ /yid bzhin nor bu gsum la phyag 'tshal lo/ /de sras thu bo grub chen nag po pa/ /grag stong skye med Da ma ru 'dzin pa/ /gzung 'dzin gnyis med a ba dhU tI pa/ /grub pa'i dbang phyug gsum la phyag 'tshal lo/ /ga ya dha ra mahA paNDi ta/ /'jig rten mig mkhan shAkya ye shes zhabs/ /phyi nang shes bya'i dkyil 'khor kun rig pa/ /mngon shes rdzu 'phrul mnga' brnyes chos 'bar ba/ /thar pa'i sa mkhan bzhi la phyag 'tshal lo/ /'phags pa 'jam dpal kun dga' snying po'i zhabs/ /ye