[A:90]snang mdzad sprul pa'i sku/ /de gsum dbyer med ngo bo nyid skur 'dud/ /lus rtsa gnas gyur bla ma sprul pa'i sku/ /rtsa yig gnas gyur bla ma longs spyod rdzogs/ /thig le gnas gyur bla ma chos kyi sku/ /rlung khams gnas gyur bla ma ngo bo nyid/ /kun gzhi gnas gyur shin tu rnam dag sku/ /rigs kun khyab bdag drug pa rdo rje 'chang / /bka' drin mnyam med rtsa ba'i bla ma dang / /brgyud par bcas pa rnams la phyag 'tshal lo/ / gzhan gyi don du byang chub thugs bskyed nas/ /tshogs gnyis yongs rdzogs sgrib gnyis kun spangs pa'i/ /rdzogs pa'i sangs rgyas rnams dang dam pa'i chos/ /sras bcas dgra bcom rnams la rtag phyag 'tshal/ /dus gsum rgyal ba sras bcas thams cad kyi/ /gsung gi dbang phyug 'jig rten kun gyi mig /dri med bstan dang 'gro ba ma lus gnyen/ /mkhas grub lo paN rnams la snying nas 'dud/ /rnam thar gsum gyi ngang las ma g.yos kyang / /'jigs pa'i skur ston mtshon cha sna tshogs 'dzin/ /bstan la sdang ba'i dgra bgegs bdud kyi tshogs/ /mthar byed chos skyong srung ma rgyal gyur cig/ gangs can 'gro rnams sdug bsngal gyis gtsais pa/ /sel phyir snying rjes smon pa mthu chen 'grub/ /sems dpa' che rnams rgyal blon tshul bzung ba'i/ /bstan pa'i sbyin bdag rim par byon la 'dud/ /
rang bzhin brjod pa'i rgyan gyis mchod par brjod nas/
thos par gyur pa'i dam pa'i chos rnams bla ma dam pa rnams la 'di skad du bdag cag skal ba dang ldan pa rnams kyis dus tshes bzang po thams cad du nges par thos pa'i dus/ rgyud dgongs pa lung ston las/
skad cig thang cig yud tsam dang / /zla phyed zla ba lo yi dus// bskal pa grangs med gsum po ni/ /skad cig gcig tu mnyam par byin gyis rlob par mdzad pa'i tshe na/ ston pa phun sum tshogs pa drin can rtsa ba'i bla ma dam pa drug pa rdo rje