[A:425]'thor ba rnyed na sa bcad kyi don dang bstun nas 'jug par bya'o/ /
! sa skya gur gyi mgon po dang / gnyan mgon zhal bzhi pa'i chos skor rnams kyi lung cha shas tsam thob pa la/ thams cad mkhyen pa rdo rje gdan pa kun dga' rnam rgyal dpal bzang po la 'jam dbyangs byang chub dbang rgyal gyis gsan/ de la yongs 'dzin shAkya kun dga'/ de'i gsan yig tu gsal ba rnams/ nyi ma gling pa rdo rje 'chang tshul khrims bkra shis zhal snga nas kyis glegs bam gcig tu bsdebs pa 'di yin la/ la la dag thams cad mkhyen pas bsgrigs pa'i pusta ka yongs rdzogs lung bklag pa byung 'dug pa'i brgyud pa yongs 'dzin shAkya kun dga' la thug phyin ngal ba las don med do/ /de nas ganggA'i chu rgyun las/ 'khon rigs 'jam dpal rdo rje rje btsun sa skya pa yab sras la bstan pa bsrung ba'i chos skyong grangs med pa zhig bka' babs pa'i nang nas gtso bor gyur pa ma gha dha rdo rje gdan gyi sgo skyong / 'phags yul paN grub rnams kyi srung ma'i gtso bo rdo rje nag po chen po gur gyi mgon po ni/ mkha' 'gro ma rdo rje gur gyi rgyud las/ de nas bcom ldan 'das rdo rje 'dzin pa chen pos nag po chen po 'di/ nyid kyi sku dang gsung dang thugs rdo rje las phyung ngo / /zhes pa ltar bcom ldan 'das rdo rje 'chang chen po'i sku gsung thugs dbyer mi phyed pa'i sprul par bstan pas bstan srung kun gyi gtso bo ste/ zhes gsungs pa/
la la dag rgyal 'gong pho gdon mo gdon la chos skyong gi ming btags nas gtan gyi skyabs gnas suu byed pa de/ skyabs sdom 'jig pa las 'bras bu gzhan med do/ /zhes bya ba'i dgongs par mngon no/ /
de yang chos skyong 'di nyid kyi dbang sngon du thob tshul le'u bzhi pa dang / rjes gnang thob tshul le'u drug par gsal lo/ /dkar chag gi mgor/ na maHsangguu ru pA dA ya/ nas/ kun dga' bkra shis rgyal mtshan dpal