[A:91]'chang chen po rnams/ rdo rje gur las/ rdo rje sems dpa' ji lta bu'i/ /de ltar slob dpon gzugs 'dzin te/ /sems can rjes su bzung dmigs nas/ /phal pa'i gzugs su gnas pa'o/ /zhes gang la gang 'dul gyis/ gnas phun sum tshogs pa chos tshigs kyis phye ba'i yul dbus bod gangs can gyi ljongs/ snod kyi 'jig rten gzhal yas khang gru bzhi sgo bzhi mtshan nyid phun sum tshogs pa byang phyogs so bdun gyi rang bzhin 'ja' tshon gyi rnam pa rgyan stug po bkod pa dang mtshungs par byin gyis brlabs pa'i chos grwa chen po byang chub kyi snying po rnams na 'di lta ste/ gtsang zhing yid du 'ong ba'i sa phyogs su/ /yangs pa'i stan ni rab tu bshams bting ste/ /bzang po'i tshon gyis legs par kha bsgyur ba/ /chos gos gtsang ma de ni rab bgos nas/ /zhes dang / sham thabs che tshad legs par rab bgos nas/ /bcos bu'i ras rnams sna tshogs rab bting ba/ /rkang rten bcas pa'i khri la rab 'dug cing / /rkang pa legs par bkrus te rab 'dzegs nas/ /gdong dang bzhin gyi mdog ni rab snum zhing / / chos kyi stan de la ni rab 'dug nas/ /sems can lhags pa rtse gcig gyur rnams la// gtam yang rnam pa sna tshogs nye bar ston/ /dge slong dag dang dge slong ma dag dang / / dge bsnyen rnams dang dge bsnyen ma dag dang / /rgyal po dag dang rgyal bu rnams la yang / /mkhas te rtag tu phrag dog med par ni/ /sna tshogs don ldan snyan pa'i gtam yang ston/ /
dam chos pad dkar las gsungs so/ /
gsung gcig yan lag rgya mtsho'i sgra skad kyis/ /rgyal ba kun dbyangs yan lag rnam dag pa/ /'gro ba kun gyi bsam pa ji bzhin dbyangs/ /sangs rgyas gsung la rtag tu 'jug par mdzad/ /'khor phun sum tshogs pa dag pa rab 'byams nam mkha'i mthil thams cad yongs su gang ba la 'di