[A:95]'gyur lung gi skor/ dgu pa bstan 'gyur lung gi skor/ bcu pa bod gzhung dpal sa skya pa'i bka' 'bum skor/ bcu gcig pa bod gzhung sna tshogs kyi skor/ bcu gnyis pa rig gnas sna tshogs kyi skor/ bcu gsum pa bsngo smon bkra shis kyi skor ro/ /thob yig bum pa bzang po las/ gleng gzhi mdor bstan gyi le'u ste dang po'o// //
! de la gsan yig phal cher bsgrigs rim mi 'dra yang 'gal ba ci la yod/ 'dir rim 'jug pa'i dbang du byas te/ rang lo bcu par yar 'brog theg mchog rgyud sde tshal gtsang dgon du bsgyur ba'i dus dpal gser gling pa don gyi slad du mtshan nas smos na byams pa shAkya rdo rje'i zhabs drung du lus bsgyur ming spos/ gtsug phud phul/ tshigs bar pa dge tshul du bsgrubs pa'i brgyud pa ni/ thu mi'i gdung sde pa yar rgyab pa'i dbon bla chen kun dga' bsod nams la sgrub pa gnang 'dug pas 'og bsnyen rdzogs mkhan brgyud dang 'dra'o/ /rang lo nyer gnyis par paN chen kun dga' bkra shis pa'i zhal snga nas mkhan slob dge 'dun dang bcas pa'i drung du bsnyen par rdzogs khul byas na'ang / khong rnam pa las chog la shin tu ma 'dris pas/ las chog gi dpe klog pa'i tshe dbyangs yig sgrog pa ltar tshig lhad mang zhing / sdom pa skyes thob kyi brda 'phrod pa mi gsal bas the tshom gyi ngang du dar cig bsnyen par rdzogs pa'i dbang du byas/ slar de dus sdom pa thob par song na 'bul chog dgos par bzhed pa'i lugs ltar/ bla ma rab 'byams pa rin chen rgya mtshos bslabs nas sdom pa 'bul chog 'don pa bsgyur nas khyim pa'i tshul du ras dkar po gyon/ de ma thag mkhan po don gyi slad du mtshan nas smos na 'dul ba 'dzin pa rnams kyi mchog nyi ma gling pa tshul khrims bkra shis dpal bzang po dang / las kyi slob dpon paN chen