[A:376]gangs can mdzes pa'i rgyan brgyad mchog rnam gnyis//
thugs kyi bu chen rnam pa bcubcwa brgyad kyis//
bstan pa 'degs khyod rgyal ba gnyis pa yin//
lha min gyis sbyar log pa'i gzhung lugs kun//
yang dag lung dang rigs pa'i dpung tshog bzhis//
mi mngon rgya mtsho'i dbyings su rab bcings nas//
rgyal sa 'dzin khyod bstan pa'i brgya byin yin//
rig pa'i gnas lnga mkhas par rab mkhyen nas//
gzhung lugs bzhi bcu'i rnam bshad rgyas pa sogs//
phyed bcas sum brgya'i rtsom gyi phreng ba yis//
dbyangs can mgrin par byas khyod paNDi ta//
bstan pa'i gzhi ma chos sde 'o ma'i mtshor//
zhabs zung ngang pa'i ded dpon gnas bzhin du//
sa skyong ral pa'i stegs la ngang bso ba'i//
mgon khyod gangs can bod kyi rgyal po yin//
lus phyed sprin gyi gseb nas rab phyung ba'i//
lha bu rnams kyis mchod phreng gis bsu nas//
brgya byin gzhu yi shing rta la zhon te//
lha yul du gshegs byams pa'i rgyal tshab yin//
zhes bya ba'i tshigs su bcad pa 'dis ni thams cad kyi don bsdus pa yin no//
gzhan la rab zhen zhen blta'i dri ma can//
rang nyid rab rlom rlom pas cher khengs dag//
rnam thar 'di la la mor mi 'jug kyang//
mgon de'i slob ma ma lus yi rangs 'gyur//
zhes phyi nang gis chos thams cad sgyu mar thugs su chud pas dngos 'dzin gyi 'khrul pa gting nas zhig pa 'jig rten chos brgyad kyi mdud pa rang sar grol ba/ 'chad rtsod rtsom gsum gyi pha rol du son pas/ bde bar gshegs pa'i ring lugs pa chen po// thams cad mkhyen pa'i bshes gnyen/ shar rgyal mo rong pa shAkya rgyal mtshan dpal bzang po'i zhal snga nas kyi rnam par thar pa/ ngo mtshar dad pa'i rol mtsho zhes bya ba 'di ni/