[A:481]pas chos 'khor gyi yon la dmigs pa'i zla phogs chu mig tu phul/ ston chen gsum ni 'brong sgang nas dang/ seng ge rtse nas dang/ rgya gan pa gsum gyis mdzad pa la/ mtshan brjod 'bum gter re'i rgyu tshogs gang 'gro la cha bzhag pa yin/ gzhan yang 'brel can gyi bla ma so so/ dge 'dun gyi sde so so la sku skal sngar grub pa dang/ phyis 'grib par 'gyur pa sogs zhib cha dus phyis kyi phyi mo la dgos pa rnams ni logs su shes par bya'o//
'dir smras pa/ thub bstan lang tsho 'bar ba'i kun gsal gdong nyi zla lta bu'i srol chen rnams gnyis dang/
legs bshad skar ma'i tshogs kyis brgyan gyur tshe//
'dzam gling mun par gyur pa'i sgo skabs ci//
gang yang 'di na nyon mongs pa dang rnam par rtog pas dri mar gyur pa min pa'i mchod pa'i phreng bzang po//
phan dang bde ba'i lam chen por ni gya gyu min par 'jug byed dam pa'i chos kyi legs sbyar gtam bzang po//
'dzin 'chang klog dang 'chad dang kun nas byang chub par byed de ni rgyal dang de sras dgyes mdzad thabs chen po//
rab 'bar rmongs dang chags khro'i dbang gyur nyes byas ma lus dum bur gcod mkhas 'khor lo lan brgyar bskor mdzad do// sngon byon chen po'i las stabs skrun byed 'byor pa'i tshogs la gang 'dis 'gran pa'i khengs pa rgyas min mod//
der mdzad chos kyi gtam gang bsnyad pa des ni 'dir 'byung gtam las?la skrun pa'i go skabs kun bral ba/
phra mo'i sa bon legs par btab pa'i rnam dkar gyis ni nam mkha'i khams kun 'gengs pa'i dpag bsam shing chen ltar//
skyes bu'i byed dang bdag po'i dbang gyur bral dang rnam smin rgyu mthun tshogs rnams deng 'dir dge zhing shis par sbyon//
ces shing mo yos kyi lo thub bstan gser mdog can zhes bya ba'i gtsug lag khang du sku gsung thugs kyi rten dang/ dge 'dun gyi sde snod rin po che rnam pa gsum rtog ge dang bcas pa'i nyan bshad kyi grwa legs par tshugs pa'i dus