[A:398]gyi yon tan la brdzun zhes 'phags pa la skur pa 'debs pa dag mthong ba'i phyi ro//
zla ba cha shas kyis gang zhing//
khyod sku kun rdzob byang sems gyis//
chos kun stong pa'i rang bzhin te//
khyod kyi thugs kyi rdo rje'o//
'di'i don ni gsal bar ma smras so//
de ltar sbyor ba yan lag drug gi rnal 'byor mthar phyin pa mdzad pa yin te/
lo gsum phyogs gsum dang bcas par//
yan lag drug gi rnal 'byor tsam//
goms pas grol bar 'gyur gsungs nas//
bcubcwa brgyad lo yis smos ci dgos//
zhes bya'o//
de kho nar ma zad/ rnal 'byor de nyid las g.yel ba med par/ rje sa skya pa rnams kyi phyag bzhes ji lta ba bzhin lam gyi thun bzhir/ dbang bzhis lus so sor brtags pa'i 'gog pa la gnad du bsnun pa dang/ 'bring po dam tshig gi chos skor dang/ lam zab mo bla ma'i rnal 'byor sogs cha lag dang bcas pa la thun bzhi'i rnal 'byor gyis brtson par mdzad cing/ de nyid kyi sgo nas gdul bya dpag tu med pa bkri bar mdzad pa yin no//
de yang 'di ltar/
dri med dbang dang rnam dag rgyud//
lus rdzogs gdams ngag dang bcas pas//
skal bar ldan pa 'bum phrag tsam//
smin cing sgrol bar mdzad pa'o//
zhes smras te/ gdan sa 'dir me pho byi ba'i lo yan du lnga bcu rtsa gcig thal te de yang lo re la sbyor ba yan lag drug pa tha na'ang/ tshar lnga re tsam gyis skal ba dang ldan pa'i gdul bya stong phrag drug tsam smin cing grol bar mdzad de/ gdul bya dbang po tha ma pa la yang sngon 'gro'i rnal 'byor gyis rgyud sbyangs// mchog dbang gong ma gsum gyis smin par byas/ sor sdud kyis stong gzugs phyag rgya chen mo mngon sum du mthong zhing/ bsam gtan gyis de nyid la mnyam par mi 'jog pa ni med pa'i phyir ro//
lam 'bras bu dang bcas pa'i gdams ngag man ngag gzhung bshad cha lag dang bcas pa tshar brgya tsam gyi sgo nas skal ldan stong phrag gnyis tsam smin