[A:399]cing grol bar mdzad de/ tha na'ang nyin re la lam dus thun re mi len pa ni med pa'i phyir ro//
der ma zad/ nA ro'i chos drug dang/ ni gu'i chos drug dang/ shin tu spros pa med pa'i man ngag dang/ ri chos skorbskor gsum dang/ 'dus pa'i rim pa lnga dang/ 'khor lo sdom pa'i rim pa lnga dang/ dmar khrid dang/ snying po don gsum la sogs pa'i man ngag gi sgo nas smin par mdzad pa ni stong phrag gsum tsam ste/ de dag gis don nyams su blangs pas tha na'ang ting nge 'dzin sna re ma skyes pa med do//
gzhan yang rtsa ba'i rgyud brtag pa gnyis pa/ bshad pa'i rgyud dang bcas pa dang/ dpal gsang ba 'dus pa'i rtsa rgyud le'u bcu bdun pa/ bshad pa'i rgyud dang bcas pa dang/ bcom ldan 'das 'khor lo sdom pa nyung ngu'i rgyud dang/ bcom ldan 'das dus kyi 'khor lo sdom pa'i sdus pa'i rgyud/ 'grel chen dri med 'od dang bcas pa'i bshad pa lan mang du rgya cher mdzad pas dge ba'i bshes gnyen dpag tu med pa la lung dang mngon par rtogs pa'i yon tan dri ma med pa bskrun par mdzad pa yin no//
gzhan yang/ mngon par rtogs pa'i rgyan 'grel pa dang bcas pa dang/ dbu ma tshig gsal 'jug dang/ 'dul ba'i mdo dang/ mngon pa'i mdzod dang/ rgyas pa'i bstan bcos tshad ma rnam 'grel rnams la yongs rdzogs kyi bshad pa thengs kha yar mdzad cing dge ba'i bshes gnyen chen po 'ga' zhig la bsam gyis mi khyab pa'i rtogs pa bsgrub par mdzad do//
gzhan yang/ lung dang mngon par rtogs pa'i yon tan du ma la dbang 'byor ba'i dge ba'i bshes gnyen brgya phrag gnyis tsam la 'dul ba'i lung sde bzhi'i bshad pa yongs su rdzogs par mdzad pas de'i tshe na/ sum cu rtsa gsum pa'i lha'i bu dang/ bu mo stong phrag du mas ri khrod 'di nyid kyi steng gi bar snang la sprin gyi phung po'i gseb nas lus kyi stod phyung ste/ gdugs dang rgyal mtshan dang/ ba dan dang/ rol mo'i