R993: dpal ldan bla ma dam pa ku ma ra ma ti'i rnam par thar pa ngo mtshar bkod pa'i sprin gyi rnga sgra/{bod yig glog rdul dpe cha/}

  • Pagination (Witness A): 400
[A:400]smras mchod par byed cing/ lha rdzas kyi bdug spos dang/ me tog man dar ba dang/ man da ra?dar ba chen po dag gis zla ba gcig tsam gyi bar du thams cad kyis mngon sum gyis grub par bkur stir bgyid/ bla mar bgyid/ ri mor bgyid cing lha dang bcas pa'i 'jig rten pa thams cad kyis mchod cing bstod pa'i 'os dam par bzhugs pa yin no// slar yang lha dang bcas pa'i 'jig rten gyi dpal du yun ring du bzhugs par gsol ba 'debs so// phyi nang snod bcud 'jig rten ma lus pa// 'jig rten mes pos rang dgar byas so zhes// mngon pa'i rgyal sgrogs pa mang mod kyi// grub chen 'di 'dra'i skyabs gzhan 'ga' ma mchis// de phyir bla ma'i mdzad pa las// rang gis thos pa'i cha shas tsam// go bde'i ngag gis brjod pa yi// dge ba rnam par dkar skyes pa// des kyang skye ba thams cad du// dad pas yon tan ma lus pa// ji bzhin brjod pa'i mthu thob nas// zhabs rdul gus pas len pa dang// dgyes bzhin rjes su 'dzin par shog// de skad brjod 'di le lo yi// rgya mtshor bying kyang skul byed kyi// ba dan g.yo ba'i dge legs kyi// rnam thar nor bu'i phreng ba spel// dpal ldan bla ma dam pa'i rnam par thar pa mdor bsdus pa ngo mtshar bkod pa'i sprin gyi rnga sgra zhes bya ba 'di ni/ sgo gsum mi dge ba'i bya ba ring du rgyang bsrings te bla ma mnyes pa'i bya ba 'ba' zhig gis dus 'da' ba'i nye gnas dpal ldan rgya mtsho zhes bgyi bas legs par bskul ba'i ngor// dam pa de nyid kyi zhabs rdul spyi bor blangs pa la brten nas rdo rje 'chang chen po'i gsang ba'i mdzod du ma la lta ba'i skal ba dang ldan zhing/ rje de nyid la mi phyed pa'i dad pa brtan po can shAkya'i dge slong mchog ldan legs pa'i blo gros zhes bgyi bas mngon brjod dang tshig gi rgyan gyis ma bcings par go bde ba'i ngag gis bkrol te/ dus kyi 'khor lo'i rgyud kyi dgongs pas rgyal ba sku bltams nas lo nyis