[A:58]brten pa'i rta mgrin gyi rjes gnang re tsam dang/ mtshan brjod sogs kyi lung tsam dang/ man ngag gi dmigs pa sna re tsam las gzhan med la/ phyis ni rje rong pa chen po'i gsung las byung ba'i gsang 'dus/ bde mchog gshin rje bshed skor gyi bshad pa dgag sgrub gyi lam nas drangs pa rnams dang/ ngan song sbyong rgyud kun rig gzhan phan 'od zer gyi rnam bshad rgyas pa/ kyai rdor rnam bshad gzhad gnad kyi zla zer dang/ gzhan yang phyag len phran tshegs rnams la dag ma dag gi bshad pa ches mang bar mdzad do//
dbang dang man ngag gi rim pa las ni/ gling dkar rgyal bu lha dbang pa la lam 'bras kyi khrid rim/ rgyu dus dang lam dus kyi dbang dang bcas pa tshar gcig mdzad/ 'brog rgya mtsho'i chos mdzad sogs sgrub pa po so so la rnal 'byor yan lag drug pa'i khrid kyi rim pa yongs rdzogs/ mchog dbang gong ma gsum dang bcas pa tshar bdun tsam mdzad/ blo sbyong/ dmar khrid/ dril bu rim lnga/ bshed dmar sprod med sogs ni shin tu mang bar mdzad pa dang/ sa skyong dang mi che rgu rnams la 'chi bdag 'joms pa dang/ tshe dpag med lha dgu'i dbang/ rdo rje chos skyong dag dang/ mi g.yo ba dkar po'i rjes gnang la sogs pa mdzad do//
de dag la 'di skad ces/
'gro ba 'ga' yi sems rgyud la//
phan dang byin gyis rlob pa'i phyir//
dbang dang gdams pa 'ga' mdzad mod//
rnyed dang bkur sti'i dgongs mi mnga'//
sde snod gsum dang rtog ge dang//
rdo rje'i theg par gang bshad pa//
rgyal ba nyid dang rje gong ma'i//
dgongs pa zab mo bskang phyir dang//
ring du gnas pa'i phyir dgongs kyi//
'jig rten lugs kyi chos brgyad po//
sgrub pa'i bsam pa 'dir mi mi mnga'// vc: Note that this line bears eight syllables; perhaps mi can be omitted!
zhes bya'o//
3.2
gnyis pa bu slob kyi mchog ji ltar byung ba ni/ spyir phar phyin theg pa'i bshad nyan lo grangs lnga bcu la thug pa rgyun mi 'chad du slob ma'i grangs brgya las mi nyung ba la mdzad pa de dag kyang/