[A:61]dben pa la dgyes pa'i gtam mang du mdzad pa la/ rang re rnams kyis zhus pa ni/ sku nas byon pa'i stobs kyis dge 'dun tshogs pa'i gnas 'dir rtag par gdan chags pa legs shes zhus pa na/ dben gnas gang shar du lus sems bde bar 'ong/ gal te mi 'tsho ba'i mtshan ma byung na khyed rnams pa thugs g.yeng la gtod pas byes lam du ma lus par 'khor 'ong zhes gsung ba ni nar ma'i zhal ta yin/ de bzhin du yos lo hor zla bcu gcig pa'i nyer lnga la/ nang sos mthong smon du spyan drangs/ hor zla bcu gnyis pa'i tshes brgyad kyi nyin/ nang so nas gsung chos rim par gnang dgos pa'i gsol ba btab kyang ma gnang bar dgon pa shar du phebs byon/ snyung ba'i rnam pa cher med kyang phyag rdzas gang yod sku rim la btang/ tshes bcu lnga'i nyi shar la/ rdo rje skyil krungs dang/ phyag g.yas pa bdud 'dul ba dang/ g.yon pa mnyam gzhag mdzad nas dga' ldan gyi gnas su bde bar skyod do//
de'i tshe stong pa nyid rtogs pa'i rtags su nam mkha' g.ya' dag/ dga' ldan gyi gnas su rje btsun la dngos su mjal ba'i rten 'brel du me tog gi char chen po bab/ de nas zhag shas song ba nas/ rjes 'jug rnams la/ longs spyod kyi rten 'brel du kha char chen po zhag sbrel du bab/ de nas lo gcig gi bar sku gdung bzhugs su gsol/ gdung mchod rgyun mi chad par bgyis/ sbrul lo hor zla dang po la gdung zhugs la zhen pa'i tshe/ me tog gi char chen po zhag grangs du mar sbrel nas bab/ nam mkha' g.ya' dag pa/ 'ja' tshon gyi phreng bas phyogs kun nas mdzes par bkrigs/ ring srel kha dog sna lnga dang/ dbu thod ril du byon no//
de nas dgongs rdzogs kyi rim pa bsgrubs tshul/ phyi rten nang rten bzhengs tshul/ chos kyi 'khor lo bskor tshul rnams ni gzhan du shes par bya'o//
yang smras pa/ lo bdun