[A:405]blang bar bya ba nyid du rung ba ma yin par/ brgyud pa'i rim pa dag las legs par 'ongs pa'i phyir na/ gangs can du byon pa'i gdams pa gzhan dang gzhan ci rigs pa dag las khyad par du 'phags so//
snyan brgyud bzhi dang/ tshad ma bzhi po'i rtsa ba yang bla ma tshad mar gyur pa nyid med na mi 'byung bas na/ chos 'di'i bshad sgrub kyi brgyud pa 'dzin pa dag thog mar tshad ma nyid du yid ches par bya ba la 'grus pa mi lhod par mdzad do//
de bas na phyi ma'i dus 'dir/ lam 'bras bu dang bcas pa'i man ngag nyin mo'i dbang phyug lta bur gyur nas/ sgrub pa po skar ma'i tshogs tsam gsal bar bskrun pa ni/ khyab bdag rdo rje sems dpa'i ngo bor bzhugs pa/ mtshan brjod par dka' ba'i rje btsun dam pa Ananda bha tra'i zhal snga nas yin la/ rje de nyid kyi sras kyi thu bo dam par gyur nas/ sgrub rgyud chu bo'i rgyun ji bzhin pa des/ bskal bzang slob ma'i tshogs bgrang ba las 'das pa dag/ rig pa 'dzin pa'i rgya mtsho chen por ro gcig pa nyid dunyidu mdzad pa po ni/ rgyal sras sems dpa' chen po dkon mchog rgyal mtshan zhes/ mtshan nyi ma ltar grags pa de yin no//
rje bla ma dam pa sras dang bcas pa de gnyis ka'i zhabs kyi rdul phreng/ rnyog pa med pa spyi bos gus par blangs nas/ gdams pa 'di'i lugs kyi rtsa ba'i bka' dang/ bstan bcos kyi gzhung dang/ man ngag gi 'khrid tshul cha lag dang bcas pa rab tu gyur pa gsan nas/ dus yun